影片
更多
2010-01-31
23 瀏覽
由於呢個星期日個個都有節目, 只係淨返我同媽咪2個食晚飯, 所以決定出街撐枱腳, 唔好虧待自己6點正, 打算去田中食日本野, 點知未行到去, 係KFC既位置已經見到長長既人龍, 所以臨時轉陣, 就去左日之味! 可能日之味定位唔似得田中咁"大件夾抵食", 所以6點鬆少少去到walk in都仲有位! 好彩 始終2個人食日本野都唔可以叫太多花款, 所以最後打開個menu好耐先決定到食埋: 芒果蟹籽沙律, 三文魚刺身, 牛油果鰻魚卷! 講到呢到其實都要一讚其中一位女員工, 事源menu上只係得牛油果軟殼蟹卷, 但本人海鮮敏感所以搏下可唔可以轉, 好彩個女仔都好熱心冇嫌我煩咁入廚房問篩傅我先有得食咋! 芒果蟹籽沙律 ($3x): 份量大得驚人! 我同媽咪每人夾左4碗 (介乎飯碗同麵豉湯電之間既size)都仲有淨 味道唔差既, 青瓜新鮮爽口, 芒果係條狀, 不過個人認為可以多少少! 呢款做頭盤都幾醒胃!三文魚刺身: 正確d黎講係三文魚腩刺身, 因為落order既時候, 個女仔問我地要唔要腩, 我口快快要左, 心諗都應該會貴d, 點知見到價錢一樣! 雖然size冇普通三文魚刺身咁大件, 但係件數方面
6點正, 打算去田中食日本野, 點知未行到去, 係KFC既位置已經見到長長既人龍, 所以臨時轉陣, 就去左日之味!
可能日之味定位唔似得田中咁"大件夾抵食", 所以6點鬆少少去到walk in都仲有位! 好彩 始終2個人食日本野都唔可以叫太多花款, 所以最後打開個menu好耐先決定到食埋: 芒果蟹籽沙律, 三文魚刺身, 牛油果鰻魚卷! 講到呢到其實都要一讚其中一位女員工, 事源menu上只係得牛油果軟殼蟹卷, 但本人海鮮敏感所以搏下可唔可以轉, 好彩個女仔都好熱心冇嫌我煩咁入廚房問篩傅我先有得食咋!
芒果蟹籽沙律 ($3x): 份量大得驚人! 我同媽咪每人夾左4碗 (介乎飯碗同麵豉湯電之間既size)都仲有淨 味道唔差既, 青瓜新鮮爽口, 芒果係條狀, 不過個人認為可以多少少! 呢款做頭盤都幾醒胃!
三文魚刺身: 正確d黎講係三文魚腩刺身, 因為落order既時候, 個女仔問我地要唔要腩, 我口快快要左, 心諗都應該會貴d, 點知見到價錢一樣! 雖然size冇普通三文魚刺身咁大件, 但係件數方面又比menu上寫既8件多! 刺身脂肪紋清晰, 同魚肉平均分隔, 質素ok
牛油果鰻魚卷: 等左都幾耐 一碟8件! 開頭擔心媽咪食唔慣牛油果, 佢話第一次食都覺得幾得意新鮮, 可以接受! 味道係唔錯既, 但好似縮水左少少囉
以元朗呢個地方食日本野黎講, 日之味都唔錯既! 坐得都舒服, 唔似得田中咁逼到無路行! 而且算係有服務啦! 其實呢間都幾多人, 7點左右已經好多人企係出面等位, 想靜靜地食返餐日本野, 都可以黎呢度一試既!
張貼