尚夢・茳煳 (已結業)

好耐無煮飯，想食下中菜。灣仔行完街，搵地方坐低醫肚。見到午餐有好多小菜類， 一眼就揀咗鮮魷🦑 金蒜蝦乾蒸鮮魷好似好吸引，價錢$118。嚟到係用籠裝住，有一塊大大荷葉，蒸鮮魷份量多，面上有好多蒜蓉。蒸鮮魷唔會太濃味，清清地，少少蝦乾味。配白飯有煮家飯風味。前菜有麻辣菇、西蘭花🥦、黑木耳，幾惹味。而且仲有熱滋補燉湯，有靚湯飲。菜仲切成花咁，好靚。 除咗湯仲有餐飲，基本咖啡或茶。套餐仲有小小甜品，一個蛋蛋殼，以為係咩嚟，原來係大菜糕呀！兒時回憶。見佢餐牌仲有好多野食。下次晚餐可以嚟試下。