泰COOL (翩匯坊) (已結業)

想試呢間好耐，但夜晚都幾多人，今日weekday 5點嚟食下午茶，唔多人，唔洗等位，環境都好舒適。有tea set，但當中就冇素食，唯有散叫，叫咗雜菜野菌炒金邊粉，朋友就叫咗海南雞飯下午茶餐。Tea set嚟講海南雞飯嘅份量都算多，但個飯就好硬。Veggies Pad Thai 就唔係好夠味，同埋如果有多啲菜會好啲，菇，豆腐，紅蘿蔔同蛋就有唔少。成個menu嘅素食都好少，得雜菜野菌炒金邊粉，同埋咖喱（冇問到咖喱雜菜係咪素），如果有多啲選擇就好啦。