明潮餐廳

營業中

休息中

又繼續去天水圍覓食，今次就揀左天一商場新開的明潮餐廳食下午茶。想了一會就選擇了超值常餐， 一碗麵加一杯飲品, 再自選3 餸，分別係摯愛的沙嗲牛，煎蛋及午餐肉。五分鐘後，待應好快端上一碗麵，一見到賣相，就好似醫院的病人餐，完全沒有吃的意慾。為了把最真實的感覺呈現於各讀者面前，我唯有鼓起勇氣，勉強把它吃下。煎蛋及午餐肉味道OK，面層都煎得很脆口至於沙嗲牛，完全冇牛肉味，亦冇沙嗲味，只吃到鬆肉粉味道，相信是我有生以來食過咁多次沙嗲牛肉最差的一次公仔麵麵質超硬，似係未煮熟，需要放在熱湯裡浸一段時間才可食用。講到湯底，好似滾水溝鹽，食落只有咸味。整體的感覺就好似食左豬餿，如果連一碗簡單的麵都煮得咁差，好難想像其他複雜的菜式會煮得好食，實在沒有意欲回頭幫襯。