明潮餐廳

營業中

休息中

又到天水圍的天一商城覓食，好耐冇食過茶餐廳，呢間明潮牛腩粉麵餐廳有得食粉麵同埋唔同嘅碟頭飯～牛丸河💰HK $33面底份量多，牛丸都有5粒，爽口彈牙！湯底清甜，仲有條菜～咖喱吉列魚柳煎雙蛋配凍奶茶💰HK$64朋友就叫咗咖喱吉列魚柳煎雙蛋，吉列魚柳有兩塊大大塊，煎雙蛋隱藏咗喺魚柳嘅下方！咖喱汁用來撈飯一流～

朝早唔想食普通茶餐廳就求其入去呢間 好早已經有飯食好驚喜 坐底個餐牌睇都睇唔曬 全部都好吸引 客人都好多 嗌個雞脾飯真係好滑 仲有個三寶米線冇得頂全部味道都係啱啱好 一杯檸茶同冬T都有驚喜 酸甜度都係剛剛好 唔知係巧合定咩都唔覺應該有咁多差評 以後會繼續支持 希望可以保存落去

豬肉肥瘦相隔分明，入口唔肥膩，肉質口感同size ok，份量多d 就好啦芋頭軟綿，但再粉 d 就好啦幾好係配有青菜，都有好幾條至於整體味道，我覺得一般，所用嘅醬汁唔係好啱我茶走，入口唔鞋口，奶味比軟多，茶味偏少職員態度殷勤，服務好

諗住喺嗰個商場行吓，睇吓有咩食，就求其入咗間餐廳。嗌咗個咖喱吉列豬煎蛋意粉。豬扒OK但係個咖喱意粉心諗係做咩事？一上到嚟已經好唔開胃，勁似中學食嗰啲訂🍚午餐不特只，佢個咖喱汁完全冇咖喱味，望落去係一Pat黃色，勁似嘔吐物….唔知點形容…又勁似黃膽水，朋友仲嗌咗椒鹽豬扒飯，個椒鹽豬扒試咗一舊鹹到….我唔會再入呢間餐廳。 本身仲諗住可以讚吓啲侍應，問佢拎杯熱水諗住洗佢啲污糟餐具，本身都好聲好氣，佢話後面有水可以自己拎，咁我見佢係凍水咪問佢拎個杯熱水，跟住佢竟然「接」我…..俾錢買難受

通常 “下午茶餐”是有小食加飲品，才叫餐。明朝就係一間唔包飲品，但又叫下午茶餐的小店。話說有日下午經過，見下午茶雞脾薯條$35蚊，價錢合理，入去坐低叫嘢食，正常落單，但收費單寫$40蚊，我問店員凍飲加$5蚊嗎？店員回覆下午茶餐唔包飲品，$5蚊係飲品。其實$5蚊飲品唔貴，但你寫明下午茶餐，餐喎？！大家要小心，問清楚才下單。

今朝同屋企人去食早餐，叫咗兩碗牛腩河，食食下發現其中一碗有超過1CM長嘅曱甴🪳同老闆娘反映，對方問「使唔使整過啲咩你食？」。梗係唔使喇，已經對間餐廳無晒信心，重想嘔添呀。老闆娘拎走咗曱甴🪳，處理完隻曱甴之後直接坐返收銀櫃枱，道歉Say Sorry一句都無。埋單嗰陣忍唔住潤佢一句有大將之風，食物有曱甴都臨危不亂，Sorry都無句。老闆娘話要調查下咩環節出錯，又話師傅行開咗，自己好忙，總之唔肯道歉，拉咗個廚房員工出嚟話做飲食，有曱甴🪳好正常，硬之就係唔道歉。老闆娘重聲大夾惡，話自己處理咗，唔求你免費張單，講聲對唔住，有咁困難咩？ 隻鑊係都要推畀啲下屬，呢間真係唔使旨意再幫襯，後悔人太善良，無影到相，所以被人欺。

今日帶個仔去食嘢，5點幾d時間，成個餐廳得兩枱客，喺最入面張枱有三個阿叔係度傾計，另一張一個阿叔自己食麵，一入去，個男店員叫我坐最入個單面卡位，根本個位只可坐到一邊，因為另一邊會挨到三個阿叔張枱。我第一次問可否坐過一張，佢先up左句咩我聽唔清楚，示意我唔好轉位，第二次嘢食嚟，我照移去隔離枱，佢即刻X臉兼唔耐煩。其實我有諗過原因，但根本冇合理理由！第一：成間餐廳差唔多20張枱，得兩枱食客。第二：而家非常時期，客人都要隔開d，佢比我嘅位係同三個阿叔係冇隔板第三：我望住之後入嚟嘅每個客人都可以自己揀位坐！第四：蒼蠅周圍飛我轉位之後嬲到拍枱指住佢，氣上心頭，仲係個仔面前講咗句粗口，呢個男店員根本係度恰女人！

從未到過天一，今日經過入去試吓，我地叫左沙嗲牛肉麵同餐旦麵，一上枱見賣相已經知中伏，食落完全冇味，杯奶茶似水，從未試過咁普通嘅港式早餐都可以難食到咁，諗住問下個老闆娘，反映佢知，佢一聽到話冇味已經著火，一直強調及反覆話自己用豬骨湯煲，冇可能冇味，又叫我地入廚房自己睇，作為食客比下意見都唔得？最後我哋食唔落就埋單走人，我哋之後係門口打算影相post食評，他們即衝出來話呢度唔可以影相，我地冇理就掉頭走。總結：食物質素差到不得了，重點係老闆及員工態度一致惡劣，漠視客人意見，以後也black list。

今日係天一諗緊食咩早餐好，見到明潮有早餐，就試下啦，始終未食過。咁兩個人叫左兩份早餐，一個午餐肉煎蛋麵，一個沙嗲牛肉煎雙蛋麵，跟左兩個牛油方包。咁我係叫外賣既，湯同麵係無叫既情況下都分開上，咁係真係唔錯既，唔會令個麵淋哂。但係食入口就發現個味麻麻地，個麵係無乜味，個湯又太清，沙嗲牛肉個沙嗲又係好淡所以真係好一般。午餐肉又好薄。所以整體黎講有啲失望。餐飲叫左個熱齋啡同熱華田走奶，點知個齋啡變左杯普通熱啡。下次應該唔會再黎食，會去另一間

這間店的老闆和員工態度非常之差簡直係惡劣 食物質素唔再講，有疑問想提出，問多句都想鬧人，黑口黑面，俾錢買難受，嘢食已經唔好食，又唔新鮮仲食到肚痛，依間餐廳下次絕對唔會再嚟！

點了個5號早餐（雙旦牛肉麵）, 一上枱後聞到有一陣怪味，真係唔敢食。。之後同貌似是頭婆講返食物有問題， 但佢話佢自己食緊。。。可能口味唔岩我。。算吧， 最終我飲左杯鴛央走頭了，整個天一商場佢的早餐真係唔會再試。。

成日出街食野都係係食大家樂吉野家 想食間街房茶記都難揾(因為好多商場已經被翻新成為大型連鎖店嘅落腳地) 好在我屋企附近有間天一商場 裏面好多街房小鋪 而我今日下午想食個快嘅就入左依一間 明潮茶餐廳講真 $28 一個茶餐真係好難揾到 見到咁平仲有得揀三個餸 我即刻就叫左 雪茶肉絲 煎蛋 芝士腸公仔麵 飲熱華田 雖然每樣餸都唔多 腸仔得兩條 但個煎蛋煎得幾好 個蛋黃一吉穿就流哂出黎 比我一淡食哂 每樣野都正正常常 食完唔會唔夠飽 填到肚又扺食!

呢間餐廳雖然有賣牛腩/雜/筋以外既食物但評一間餐廳唔評埋人地主打既食物實在有失公允去過幾次雖然衛生講唔上一流, 但餐廳格局四正, 唔會話坐得唔舒服上菜夠快 (我都唔明其他粉面店已經煮好哂做咩上菜仲咁慢)食過牛腩/雜/筋, 配河粉是常識吧牛腩偏瘦, 但勝在夠冧個湯夠味, 次次都飲哂係大家樂都5/60埋單既呢個年代, 呢間咁有質素既先28一碗粉, 完全物超所值

晏就想食粉麵，就隨便係附近入左間鋪。叫左兩碗麵，整體都可以，足料大碗。牛腩河 $28牛腩都幾多又夠入味，不過都係瘦肉多，如果多少少肥肉食落就冇咁硬同乾，河粉份量多，大大一碗好足料，而且個湯唔會太醎，平時出去食粉麵都遍醎。鮮蝦雲吞河 $28因為最近食得太多鹼水面，已經唔想再食，咁就簡左河粉。雲吞有5大粒，但味道就一般，蝦都爽既。雖然淨食個雲吞醎左d，但係個湯清清地，加埋一齊食落都岩岩好，個湯仲可以叫加腩汁。

又繼續去天水圍覓食，今次就揀左天一商場新開的明潮餐廳食下午茶。想了一會就選擇了超值常餐， 一碗麵加一杯飲品, 再自選3 餸，分別係摯愛的沙嗲牛，煎蛋及午餐肉。五分鐘後，待應好快端上一碗麵，一見到賣相，就好似醫院的病人餐，完全沒有吃的意慾。為了把最真實的感覺呈現於各讀者面前，我唯有鼓起勇氣，勉強把它吃下。煎蛋及午餐肉味道OK，面層都煎得很脆口至於沙嗲牛，完全冇牛肉味，亦冇沙嗲味，只吃到鬆肉粉味道，相信是我有生以來食過咁多次沙嗲牛肉最差的一次公仔麵麵質超硬，似係未煮熟，需要放在熱湯裡浸一段時間才可食用。講到湯底，好似滾水溝鹽，食落只有咸味。整體的感覺就好似食左豬餿，如果連一碗簡單的麵都煮得咁差，好難想像其他複雜的菜式會煮得好食，實在沒有意欲回頭幫襯。