黑門水產すいさん (棉登徑)

今日同男朋友去咗呢一間黑門水產食lunch一入到去真係好似去咗日本咁樣好有日本居酒屋嘅感覺首先我哋就叫咗個刺身食下先分別有三文魚腩 深海池魚同埋活鮑魚刺身三文魚腩嘅油脂好香 入口即溶而活鮑魚鮮味十足 十分爽口之後我哋就叫咗個黑門令大漁魚子醬脆脆包上面嘅餡料非常豐富 令到成個味道充滿層次之後仲叫咗個黑門帆立貝配魚子醬上面仲有啲海膽同埋三文魚子 勁正！我哋仲叫咗個鐵火卷 上面仲有啲吞拿魚腩蓉真係好豐富呀而且我哋仲叫咗一個黑門令龍蝦湯煮海鮮呢個係要煮嘅 店員好細心咁樣幫我哋燒呢個勁多海鮮 食完好滿足呀之後我哋仲試吓呢一個赤鬼蟹味噌甲羅燒呢個一定好啱鍾意食辣嘅人 因為除咗平時嘅甲羅燒 仲加咗一番辣味正啊呢度嘅嘢飲都唔錯 叫咗一杯愛琴海同埋柚子檸檬梳打