影片
更多
2019-08-16
49 瀏覽
今個星期同埋屋企人，去到紅磡呢間韓式九重鮮試下蒸海鮮，仲可以加＄任飲加半自助食 呢度主要分兩個套餐 ，我哋最後決定揀咗左邊每位$288 試下，試佢會唔會偷工減料，將貨就價。店內環境 都幾好， 食物種類 好多 ，有凍食， 熱食，甜品 再加埋任飲汽水 真係應有盡有。環境十分舒服，枱與枱之間都有一段距離，可以放心傾計，慢慢食野。 同時間 佢哋會定時出唔同嘅炸雞 鮑魚海鮮醬油蝦 畀大家品嚐 都不失為一個好好嘅選擇。跟住到主菜九層鮮 ，最頂嘅先係 和牛 ，肉質好嫩滑同新鮮，唯一遺憾就係太少，想食多幾塊都唔得 ，大家真係要慢慢品嚐每一塊，第二層係帶子＋ 鮮蝦 ，海鮮所有肉汁 ，都停留喺呢一層度 ，完全冇流失任何 精華 ，有別於酒樓 蒜蓉蒸，清蒸技巧。健康又能保持鮮味， 十分正。之後一層 到沙白同多寶魚 ，多寶寶魚係我第一次食， 但係都食得出非常之新鮮 ，相信買手 每日都 天未光就去入定靚貨， 沙白每粒都肥美，仲要係完全沙！！而所有肉汁鎖曬喺呢一層身上， 大家亦可以試下 ，跟住到下一層 。鮮鮑魚同埋蔬果 ，蕃薯，粟米雖然係粗糧。 但係經過咁多層每一層嘅肉汁，都流落呢佢哋身上， 加埋海鮮嘅鮮味 ，提升
呢度主要分兩個套餐 ，我哋最後決定揀咗左邊每位$288 試下，試佢會唔會偷工減料，將貨就價。
店內環境 都幾好， 食物種類 好多 ，有凍食， 熱食，甜品 再加埋任飲汽水 真係應有盡有。環境十分舒服，枱與枱之間都有一段距離，可以放心傾計，慢慢食野。 同時間 佢哋會定時出唔同嘅炸雞 鮑魚海鮮醬油蝦 畀大家品嚐 都不失為一個好好嘅選擇。
跟住到主菜九層鮮 ，最頂嘅先係 和牛 ，肉質好嫩滑同新鮮，唯一遺憾就係太少，想食多幾塊都唔得 ，大家真係要慢慢品嚐每一塊，
第二層係帶子＋ 鮮蝦 ，海鮮所有肉汁 ，都停留喺呢一層度 ，完全冇流失任何 精華 ，有別於酒樓 蒜蓉蒸，清蒸技巧。健康又能保持鮮味， 十分正。
之後一層 到沙白同多寶魚 ，多寶寶魚係我第一次食， 但係都食得出非常之新鮮 ，相信買手 每日都 天未光就去入定靚貨， 沙白每粒都肥美，仲要係完全沙！！而所有肉汁鎖曬喺呢一層身上， 大家亦可以試下 ，跟住到下一層 。
鮮鮑魚同埋蔬果 ，蕃薯，粟米雖然係粗糧。 但係經過咁多層每一層嘅肉汁，都流落呢佢哋身上， 加埋海鮮嘅鮮味 ，提升咗蔬菜嘅味道 。
最後一層到主菜 肉蟹 。師傅將肉蟹 預先已處理好 ，打開每一隻啲肉係爆曬出黎，同時每一寸肉都係只係痴係殼上，絕對唔係用死蟹 ，非常新鮮。
總括而言 $288蚊 ＋任食任飲， 仲有咁新鮮海鮮 ，真係物超所值 ，下次大家可以試試更高級果個套餐，效果可能會更好 ，值得推介畀大家。。
張貼
