福丸水產 鉄板燒 日本料理 (已結業)

見到呢一間荃灣新開嘅餐廳咁好評，行遠少少都決定過嚟呢度食！住喺葵青區呢邊搵到質素好嘅餐廳比較少，尤其是新鮮嘅日本菜。餐牌上面有超多唔同款式嘅日本菜除咗有浜燒仲有壽司刺身，見到佢哋出邊會放啲時令嘅海鮮，仲會有魚缸，真係一家大細都啱。見到佢呢度啲刺身好似幾靚咁樣所以叫咗個刺身拼盤。入面最好食嘅係佢嘅拖羅，同埋個牡丹蝦都係超級正！牡丹蝦既頭仲會入去幫我地炸埋唔使加錢！另外魚類非常新鮮。不得不提係佢哋嗰個海膽，非常之鮮甜，食得出係日本膽，之前食過好多餐廳就算賣到好貴，都只不過係加膽！呢度真係性價比！！另外浜燒都非常新鮮店員會幫手燒，身邊嘅小朋友睇到師傅表演燒嘢食都好開心。另外點左沙律同埋雞泡魚干，呢度雞泡魚干燒得超入味，送酒一流！沙律非常開胃，上面仲有啲刺身，陪埋一齊真係好正呀！