影片
更多
2015-01-17
5996 瀏覽
Lunchtime同同事仔係K11行過去唸住飲茶, 上次佢地食完話唔錯今日帶埋我去. 坐低見到張lunch set紙仔. $68一位, 有4大類嘢食,好似幾吸引.我揀咗蝦餃,燒麥,蝦春卷. 金磚豆腐,腐乳西生菜,同埋乾炒牛河. 樣樣都有d呢種方式真係唔錯.完全迎合到香港飲茶特色, 一盅兩件. 蝦餃一直係我覺得飲茶不可缺少嘅點心, 亦都可以由蝦餃睇到間嘢嘅水平. 食完個蝦餃我決定以後我會再黎. 蝦餃睇落晶瑩剔透,皮薄, 入邊d蝦肉一d都唔嘢少, 大大舊蝦碌帶少少肥,咬起身好爽口. 另外燒賣平時我好少食,因為太多肉,會好膩. 但同事話好食先叫. 先講個賣相,面頭好大隻蝦球, 下低嘅豬肉香菇好香.不過我減肥,都係覺得好多肉. 但鐘意食燒賣嘅人一定大愛!士的脆春卷, 呢個係我好期待嘅一樣嘢食. 一開頭見到個名得意先點,以為就係春卷. 上到黎見到先有驚喜.原來係蝦春卷, 仲要好多蝦果隻. 春卷好薄但皮好酥脆, 蝦碌好爽口彈牙. 搭埋有少少酸酸地嘅醬汁, 令呢碟本以為油膩嘅炸物更顯特色.到精選小食嘅金牌豆腐. .椒鹽豆腐係我嘅favourite煮法. 咬落去豆腐出邊嘅皮好薄,但又少少脆. 炸得
我揀咗蝦餃,燒麥,蝦春卷. 金磚豆腐,腐乳西生菜,同埋乾炒牛河. 樣樣都有d呢種方式真係唔錯.完全迎合到香港飲茶特色, 一盅兩件. 蝦餃一直係我覺得飲茶不可缺少嘅點心, 亦都可以由蝦餃睇到間嘢嘅水平. 食完個蝦餃我決定以後我會再黎. 蝦餃睇落晶瑩剔透,皮薄, 入邊d蝦肉一d都唔嘢少, 大大舊蝦碌帶少少肥,咬起身好爽口.
另外燒賣平時我好少食,因為太多肉,會好膩. 但同事話好食先叫. 先講個賣相,面頭好大隻蝦球, 下低嘅豬肉香菇好香.不過我減肥,都係覺得好多肉. 但鐘意食燒賣嘅人一定大愛!
士的脆春卷, 呢個係我好期待嘅一樣嘢食. 一開頭見到個名得意先點,以為就係春卷. 上到黎見到先有驚喜.原來係蝦春卷, 仲要好多蝦果隻. 春卷好薄但皮好酥脆, 蝦碌好爽口彈牙. 搭埋有少少酸酸地嘅醬汁, 令呢碟本以為油膩嘅炸物更顯特色.
到精選小食嘅金牌豆腐. .椒鹽豆腐係我嘅favourite煮法. 咬落去豆腐出邊嘅皮好薄,但又少少脆. 炸得啱啱好.外脆內軟, 其實廚師手勢好緊要,因為我係屋企整到d豆腐碎曬層皮又唔夠薄. d粉漿一定要薄,但豆腐又要成型. 好考功夫!
我嘅last一個主菜係乾炒牛河. 牛河食唔少,個人認為大排檔嘅最好食,因為要夠鍋氣! 呢個乾炒牛河唔同大排檔果d. 油相對比較少, 但d粉居然唔會一舊舊. 牛肉無梳打水味, 呢樣幾難得.
最尾68一位,但d嘢都無食曬. 份量夠足, 性價比高. lunch可以多一個選擇.張貼
