Steak Bar (已搬遷) 新店位置

今日落開中環，約左朋友食晚餐，發現蘭桂坊口有隻發光大牛頭，原來之前墨西哥卷店個位，開左間新店Steak Bar , 決定入去試下，餐廳感覺似日本的牛扒店，開放式廚房，高枱座位，目測應該有二十個位，座低服務員介紹餐牌入面6個套餐，我點左個5成熟西冷，朋友叫左羊架，十數分鐘後，食物黎喇，嘩！件西冷好大件，正！套餐仲要沙律菜，麻醬豆腐，同我係日本最鍾意既飯素配白飯。切開件扒，入面好多肉汁，5成煮得啱啱好，牛扒加埋蒜片食正呀。羊架有3支骨，羊味濃唔太酥，加埋蒜鹽味道好夾，整體好滿足，新開小店有驚喜，平均二百蚊鬆d 食到咁既質素，下次會再黎。