六十六十火鍋 (已結業)

粥底火鍋好似都輕咗好多年😃 今次都係第一次食估唔到真係幾好食我地揀咗最平個種，冇特別嘅湯底，但都可以揀8款海鮮，同6款配料。海鮮我地揀咗蜆，花夾，聖子，鮑魚，蠔，鮮魷，帶子，肉蟹肉蟹係必點，估唔到係有膏嘅，而且好新鮮，放入去烚完，仲係好彈牙，一啲都唔梅。其他海鮮都唔錯，新鮮，鮑魚烚完都幾大隻。其實食完海鮮都有8成飽😂😂啲配料食埋都10成，配料值得叫嘅有花膠同梅頭肉🥰 肥牛可點可唔點，唔好食。⚠️所以記得留肚食粥，粥真係精華所在，啲海鮮嘅鮮味係曬到。啲粥好綿好綿超好食。