影片
更多
2022-08-04
46 瀏覽
平日夜晚walk in 都有位，入到去第一個感覺係裝修好靚，老闆一定好有愛心同好鐘意狗仔，環境幾乾淨，地下無立痴痴。我地選左無限時火鍋盛宴$278一位，除左加一無其他附加收費，無限時姨樣野好吸引，唔洗趕住食！一坐底店員話介紹，佢有round 1 - 4，即係去左round 2無得食反round 1。我地round 1就叫左3轉唐揚脆炸雞，1轉蟹籽沙律，1轉酸甜炸大腸同3轉鮑汁雞腳。雞腳勁淋同入味，忍唔住叫多左兩轉，炸雞好脆身香口，又忍唔到叫左2轉😋然後 round 2係三點刺身盛合(一次性)，三文魚勁好食，佢既刺身都好新鮮。到round 3- 叫左酸菜魚(一次性)，佢唔算好辣，魚好滑同份量都好足夠，個底仲有薯粉吸哂啲湯汁，正🤤Round 4 - 火鍋盛宴，真係盛宴黎，雖然佢為食海鮮拼盤同個為食牛肉拼盤都係一次性，但佢真心高質，拍得住出面單點火鍋店既質素。海鮮類全部都好鮮甜新鮮，雖然唔係好大隻，但好好味。個牛肉拼盤真係不得了，就咁火鍋店單點姨盤肉都唔平，佢每隻肉都各有特色，黃喉勁爽口彈牙，一口牛同牛板腱勁重牛味，吊龍伴口感勁鮮嫩爽口！佢仼食既款色都唔小，同質素都勁高，一啲都唔似仼食，其中
我地選左無限時火鍋盛宴$278一位，除左加一無其他附加收費，無限時姨樣野好吸引，唔洗趕住食！一坐底店員話介紹，佢有round 1 - 4，即係去左round 2無得食反round 1。
我地round 1就叫左3轉唐揚脆炸雞，1轉蟹籽沙律，1轉酸甜炸大腸同3轉鮑汁雞腳。雞腳勁淋同入味，忍唔住叫多左兩轉，炸雞好脆身香口，又忍唔到叫左2轉😋
然後 round 2係三點刺身盛合(一次性)，三文魚勁好食，佢既刺身都好新鮮。
到round 3- 叫左酸菜魚(一次性)，佢唔算好辣，魚好滑同份量都好足夠，個底仲有薯粉吸哂啲湯汁，正🤤
Round 4 - 火鍋盛宴，真係盛宴黎，雖然佢為食海鮮拼盤同個為食牛肉拼盤都係一次性，但佢真心高質，拍得住出面單點火鍋店既質素。海鮮類全部都好鮮甜新鮮，雖然唔係好大隻，但好好味。個牛肉拼盤真係不得了，就咁火鍋店單點姨盤肉都唔平，佢每隻肉都各有特色，黃喉勁爽口彈牙，一口牛同牛板腱勁重牛味，吊龍伴口感勁鮮嫩爽口！
佢仼食既款色都唔小，同質素都勁高，一啲都唔似仼食，其中仼叫既美國Prime牛胸腹肉，又係勁香牛味omg ，我飽到上心口都叫多感兩碟。仲有好多好有特色既火鍋配料，鵝腸，鴨血，珍寶蟹柳，手工一口韭菜餃，仲有好多，全部都高質好食。
總結: 佢食物質素真心高到唔似仼食，無酒精飲品又仼飲，雖然有啲食物係一次性，但其實佢有咁多round ，一定飽，咁多正野食仲要無限時！下次一定約多幾個朋友一齊再黎，真心推薦。
張貼
