和氣食堂 (河畔花園)

營業中

休息中

最近天氣實在太熱，好想食日本野消消暑。上網搵搵野食果陣，無意中發掘到呢間日本料理餐廳有好推薦，當然要約埋女朋友一齊過嚟醫肚仔啦。淨係見到門口放住咁多嘢食餐牌已經流晒口水😍呢個丼飯真係可以用「勁爆」黎形容，份量十足！好食得既朋友可以試試挑戰呢個大阪豬扒丼，先$82好抵。餐牌好多選擇，樣樣都好吸引，最後都係決定叫細份啲嘅刺身丼飯，試多啲其他小食🙈先點個溫泉蛋凱撒沙律前菜，清新一下先！今次叫咗兩個刺身丼飯，冇食刺身好耐！今次終於可以大解放，一次過試哂咁多款刺身😍隻甜蝦咁大隻真係唔捨得一啖食晒佢🤤唔好以為蟹子淨係鋪喺面，其實去到碗底都仲係蟹子😍夏天食飯又點可以唔叫野飲？叫番杯巨無霸級數嘅梳打果汁是基本吧🙈睇見都好開胃🤣再叫多份清酒煮蜆真材實料啊，用料多到滿哂👍🏻當然唔少得我最愛嘅燒牛舌😍好大片好好食！最怕出邊街食燒牛舌燒到好似牛肉乾咁樣，但呢度嘅燒牛舌燒得啱啱好，仲係好多肉汁🤤燒物咁出色就一於試埋燒雞翼，3串先$38好抵食，最衰眼闊肚窄，如果唔係都想叫多幾款。