影片
更多
2020-10-09
34 瀏覽
對於呢間面積唔大嘅拉麵舖嚟講， 我入去第一個印象就係舒服，親切，乾淨。 佢有別於一般拉麵鋪裝模作樣嘅氣勢， 呢間拉麵舖帶畀我嘅係一種溫暖親切嘅平靜。 店長哥哥年紀輕輕， 溫文有禮， 令到我同女朋友身為顧客都好舒服。我女朋友嗌咗四國香蔥油拉麵 (2號), 一個可以話比較保守同埋傳統嘅選擇； 而我就決定挑戰下啲新嘢， 因為我見都未見過其他地方有， 嗰個就係北海道牛乳拉麵。呢間拉麵舖嘅拉麵係幼身， 我嗰碗牛乳拉麵， 因為湯底好濃， 充滿著重重嘅牛奶同埋芝士味， 其實入面係冇芝士， 係因為個湯有一片厚厚嘅牛油， 當牛油同埋牛乳溶化咗混合一齊嘅時候， 做一種芝士嘅香味。 同我哋平時用筷子夾拉麵上嚟嘅游刃有餘唔同， 你會感覺到比較打結，漿在一起， 所以我會建議用筷子夾起嘅時候，先唔好咁多， 一小撮一小撮， 放上湯羹上面， 再加入少少湯， 再加少少餸， 一口一口慢慢食先係最正！！ 我好欣賞佢嘅蟹柳同埋日式叉燒， 因為店長有用火炙烤過， 如果種好香嘅燒烤味， 即使浸咗喺濃醇嘅牛奶湯入面， 咬落口嗰下依然可以清晰咁樣食到嗰種難得嘅火炙香味，好感動！至於我女朋友食嗰個傳統少少嘅款式， 簡直係傳統拉麵愛好者
我女朋友嗌咗四國香蔥油拉麵 (2號), 一個可以話比較保守同埋傳統嘅選擇； 而我就決定挑戰下啲新嘢， 因為我見都未見過其他地方有， 嗰個就係北海道牛乳拉麵。
呢間拉麵舖嘅拉麵係幼身， 我嗰碗牛乳拉麵， 因為湯底好濃， 充滿著重重嘅牛奶同埋芝士味， 其實入面係冇芝士， 係因為個湯有一片厚厚嘅牛油， 當牛油同埋牛乳溶化咗混合一齊嘅時候， 做一種芝士嘅香味。 同我哋平時用筷子夾拉麵上嚟嘅游刃有餘唔同， 你會感覺到比較打結，漿在一起， 所以我會建議用筷子夾起嘅時候，先唔好咁多， 一小撮一小撮， 放上湯羹上面， 再加入少少湯， 再加少少餸， 一口一口慢慢食先係最正！！ 我好欣賞佢嘅蟹柳同埋日式叉燒， 因為店長有用火炙烤過， 如果種好香嘅燒烤味， 即使浸咗喺濃醇嘅牛奶湯入面， 咬落口嗰下依然可以清晰咁樣食到嗰種難得嘅火炙香味，好感動！
至於我女朋友食嗰個傳統少少嘅款式， 簡直係傳統拉麵愛好者嘅最佳選擇。 個湯入口非常之清， 唔會好似好多味精咁鹹， 但嗰種蔥花同埋蒜嘅味道非常之好拿捏得， 店長仲叫我哋先飲湯， 然後可以加佢哋店入面特製嘅魚油， 加咗之後個湯更加鮮味。 其實如果我唔係想試新嘢， 我肯定會叫呢一個拉麵， 因為真係冇得輸。 係一個實而不華， 真正好食嘅拉麵。
雖然我哋冇嗌嘢飲， 但我聽到隔離嘅食客有嗌可樂， 亦都有人點桂圓蜜水飲， 可以見到佢都有一啲唔同嘅飲品款式。 如果下次去附近想食拉麵， 我應該會再嚟呢間食。
張貼
