首先，黑豚肩燒丼～將香蔥配上燒香黑豚肉肩，一起食落口，真係好惹味。而且蔥味香濃，肉汁又滲透落珍珠米飯，食落香軟，正。
海鮮四色丼～賣相超吸引😍😍, 有鮮蝦，帶子，三文魚，油金魚，卷蛋，青瓜，薑，再配壽司飯。超過足料，鋪滿整個飯碗，十分豐富，望見到感覺幸福。😋😋😋😋
燒日本廣島蠔（兩隻）~ 一隻配蒜蓉，一隻芝士焗，一次品嘗兩種不同食法。加上少少檸汁在蠔上，既可除去煋味，又可提高鮮味。而且廚師煮得剛剛好，不會太老或太生。唔錯。
電擊雞翼，芝味炸薯條～因為實在太多美食，所以，遲左食，凍左。我建議這個菜一嚟就馬上食，咁樣先能夠享受到最美味嘅時刻。北海道芝士洒滿薯條，配以甜辣雞翼，簡直一絕!!🤩🤩🤩
鐵板煎牛舌～牛舌切得厚度適中，加埋洋蔥，煎得香噴噴。🤤🤤🤤
三文魚牛油果沙律～將雜菜，加入三文魚粒同埋牛油果，配以沙律醋汁。Yummy 😋
大蜆味噌湯～有豆腐粒，海帶，大蜆，紅蘿蔔，可謂鮮味十足，出乎意料好味。但純粹個人口味，因為本人好喜愛飲味噌湯。難免加唔少分。
特濃牛奶芭菲~有脆卷條兩條，牛奶軟雪糕，類似日式年糕粒，食到最底仲有紅豆蓉及脆片。但我覺得紅豆蓉放在最下，有點晒料。紅豆蓉甜，食到最尾，其他差不多吃完，惟有單食紅豆蓉，但實在太甜。脆片放在最底，又是奇怪的擺法，這樣，脆片不脆，不好食，浪費了。我個人有一個小建議，脆片應該放在頂部洒在雪糕面，才會好味的，紅豆蓉淋在年糕之類之上，這樣就更加美觀更加好味。
今次食飽後，發表吓。下次遇到邊間好味，會同大家再分享。
