Running 燒 (已結業)

旺角咁多間韓燒餐廳，始終對running燒念念不忘。再次同朋友黎尼到食，價格調整左，晚市110分鐘$258再加一，食物款式亦多左。餐廳依然保持一貫高質素既水準，侍應服務態度非常好，晚市6點左右已經幾乎坐滿人，記得要訂定位先。前菜依舊有芽菜、海帶、泡菜，開胃可口。海鮮類必選既生蠔，有普通生蠔，蒜茸芝士生蠔，兩款都好鮮甜。不過蒜茸芝士既就要燒耐d，等層芝士慢慢融化，包住粒蠔再食，特別滋味。扇貝、帶子、多春魚亦唔錯。韓燒既好處係燒熟海鮮之餘，可以燒到面層脆脆地，令海鮮更有口感。肉類方面，今次叫左多d牛肉款式。薄切西冷牛扒、醬汁牛五花肉，之前好似冇尼2款，今次一試難忘。鐵板夠熱，牛肉一放上去好快就變色，香味撲鼻而來，醬汁有少少香(?)蒜茸，配埋牛肉特別好味。亦有金菇肥牛卷、牛舌、牛肋骨、牛柳片、牛肉片，各種部位切既手工都唔錯，厚度適宜，燒一燒就食得，鎖緊肉汁。好欣賞餐廳將多醃料醬汁既肉獨立放，其他既都整齊放係有分隔既碟，唔會撈到亂哂。最後仲食下豬皮、羊西冷。豬皮燒時要好小心，有一面會彈下彈下，起好多泡泡，食落好肥美。食到滯既話，可以試下用生菜包住黎食，亦可以飲碗阿珠媽靚湯，裏面有蘿蔔絲、芽菜、