魚一壽司 (京都廣場)

營業中

休息中

最近經過呢頭見到有間新開嘅壽司店，個名有啲熟面口，醒起曾經喺元朗食過佢哋嘅總店。真心講係性價比極高，唔使點等位之餘，食物質素高，價錢又好合理，我哋叫咗火炙左口魚邊壽司、火炙三文魚壽司、京蔥雞肉串、免治雞肉棒串、味淋魚乾、深海池魚王刺身、日本直送真鯛刺身、日本札幌啤酒、泡菜豚肉鍋、土佐豆腐、花魚一夜乾。刺身好新鮮，火炙壽司嘅火炙燒得啱啱好，一夜干魚用嚟送啤酒真係一流，串燒好香炭燒味，燒得剛剛好，個人最鍾意係個豆腐，外脆內軟。下次去開銅鑼灣一定會返嚟呢度食。