火五越式牛肉粉專門店 (華生樓) (已結業)

星期六晚同朋友嚟到太子食咗間好掋食嘅越南菜。好多款式仲好平民價錢添～手作大蝦米紙卷（$38）- 足足有四舊，每件都有蝦肉在內，配上粉條同新鮮爽口嘅青瓜同紅蘿蔔絲，口感豐富。香矛雞翼（$22）- 烤得好脆口，雞肉juicy嫩滑。火五火車頭牛肉粉（$62）- 材料勁多，有生牛肉、熟牛肉、和牛牛丸同扎肉，湯底鮮甜，仲可以揀湯檬。越式魚翅花膠雞湯粉（$59）- 估唔到真係有魚翅，呢個花膠雞湯仲好清甜，但可惜雞肉唔係太多。凍咸檸梳打（$19）- 好解渴同好大杯。