山景閣

營業中

休息中

媽媽突然想吃自助餐，但佢年紀大吃得少。 所以佢話不想吃太貴，有蠔丶其他海鮮及少量熱食就足夠。 記起之前有人介紹過仕德福山景酒店的山景閣，就符合以上條件。入到餐廳已見一系列海鮮丶刺生丶沙律吧，排列整齊丶乾淨又新鮮。熱食選擇也多，真係豬牛雞海鮮，中丶西丶日式也有。 今晚天氣驟降，竟然看到有臘味糯米飯供應，味道好又炒得糯米飯粒粒分明，好窩心。飲品是自助形式，咖啡丶茶丶果汁丶奶及啤酒。 除了有一系列甜品吧之外，更有即煎鮮果忌廉pancake 及雪糕，雪糕方面也有雪米糍丶dryers雪糕及movenpick 雪糕，真係好多選擇。今晚每位更每位也送上一隻芝士大蝦，芝士香濃蝦肉味鮮肉爽脆。更有燒羊髀，看見外皮燒至金黃色帶焦香，未食已經好吸引。吃完後總結是，真係幾好，味道及質素也在中上，雖然每款食物不會一大堆放出來，但refill 也十分快，所以令食物保存得較好，保持新鮮度。