逸 壽司 (已結業)

已經無去旅行2年，好掛住日本築地嘅”壽司大”呀！唯有揾間Omakase頂住隱先。呢間”逸壽司”雖然舖頭細細，只坐得20人左右，但一啲都唔遜色。全部座位以bar枱設計，可以一邊望住師傅準備食材，一邊享用食物，同日本壽司店嘅感覺差不多，但呢度坐位較寛闊，坐得舒服啲。我地叫咗1份Omakase同炙燒壽司盛，分別包含12件同8件壽司，另外仲有手卷。Omakase 嘅12件壽司一睇賣相已經相當新鮮，有大Toro, 吞拿魚面頰肉，間八，蜜柑鯛，北海道海膽，石垣貝，三文魚子，剝皮魚，三文魚腩，鯖魚，針魚，金目鯛。整體魚質十分新鮮，入口食到好明顯嘅魚鮮味，大Toro同三文魚腩油脂好香，海膽有微微海水嘅味道，好鮮甜。而炙燒壽司盛有三文魚，蟹柳，金線鯛，熟蝦，帶子，鯖魚，油甘魚，同我最愛嘅左口魚裙邊。炙燒咗半熟嘅壽司，少咗魚腥味，但仍然食到佢嘅鮮味，入口半溶般嘅口感，配上微暖嘅壽司飯，Oishi !!!呢度食物質素高，但價錢十分大眾化，$100-$780，隨你選擇，性價比甚高。