龍亭

朋友生日梗係要食好啲，鐵板燒絕對係不二之選，所以一早Book左喺佐敦既龍亭，食物高質之外地點又就腳，最緊要係可以睇住師傅即場烹調美食，食都食得開心啲。叫左兩Set 5道菜廚師發板，師傅話女仔夠哂食，亦好細心介紹每一樣材料，海鮮部份可以6選2，肉類部份可以豬、牛、雞，種類非常多。啤酒餐廳做緊優惠麒麟啤酒買二送一，飲得既朋友就非常抵。沙律先嚟煙三文魚沙律，蕃茄仔超甜超開胃，蔬菜清爽，清清味蕾後準備食海鮮。海鮮我地分別叫左鮑魚、帆立貝、扇貝、虎蝦，唔單止新鮮，調味及配菜都好切合到食材，自家製蒜蓉醬加落邊款海鮮都好正，而且一啲都唔細份，至啱一齊share嚟食。鵝肝多士見到Menu有鵝肝又好想食，即刻叫師傅另加一份多士，鵝油味香都不得了，一口咬落非常滿足。肉類叫左一牛一豬，牛柳煎完後切成粒，一口咬落肉汁豐富，有竹炭鹽或日式芥末作調味，我自己就非常非常鍾意用芥末，小小辣味令到牛肉味道提升至另一個層次。至於黑豚扒簡直係世界級，嫩滑軟淋，肉汁澎湃，唔油膩，配上牛油汁更有畫龍點睛既感覺。炒飯鐵板海鮮炒飯粒粒分明，金黃香口，每人一隻大蝦，非常滿足。甜品最後豆腐雪糕作結，清新口感配上爆珠紅豆，好新鮮既配搭。