魚一壽司 (京都廣場)

營業中

休息中

今日經過銅鑼灣，突然好想食刺身，見到京都廣場開左間新既日本餐廳，於是就試一試佢。餐廳座位間隔好闊落，食品選擇亦非常多，啱哂一班朋友飲酒傾計。鱈魚乾餐前小食，香脆開胃。本鮪丼有齊哂吞拿魚既大拖羅、中拖羅、赤身及吞拿魚蓉，厚切粉量多，整體配合得非常好。魚一極上丼飯另一款刺身飯，不得不讚刺身質量係非常新鮮，而且種類勁多，舖滿哂連醋飯都見唔到。日本生帶子壽司及鱆紅魚壽司試多兩款壽司，一樣咁正，其實仲有好多款式，下次要再試多啲。芝士玉子燒芝士濃郁，一夾起拉哂絲，玉子燒嫩滑香甜，加上蟹籽及沙律醬，口感及豐富。京蔥雞肉串及牛舌串除左刺身及壽司外，都見到有好多串燒及其他熟食，今次就試雞肉同牛舌，雞肉燒得啱啱好，多汁肉嫩，而牛舌厚簿適中，同埋可以一串串叫，可以試到更多選擇。芝士年糕熱辣辣香噴噴，仲好細心剪開兩半，唔會辣親咀。