牛品台式火鍋

營業中

休息中

想打邊爐又唔想食到咁滯，所以同朋友黎左試下呢度的午市定食套餐。湯底揀左剝皮椒雞湯鍋，微辣鮮甜。75分鐘的定食套餐可以揀2款肉類。加拿大頂級牛板腱同西班牙豬梅肉的肉質都唔錯，肉味濃郁。出面仲有好多特色台灣食材可以自取，個人推薦心內美蘿蔔，平時好少見，食落甘甜。香芋包心貢丸。芋頭好軟線，蜂巢豆腐就索晒d湯汁，豆香味重。其他菇類蔬菜都新鮮。呢度最正的係可以整綿綿冰。倒d黑糖水入去，綿綿冰就會係底下即制出黎，非常治癒。之後可以喺芋圓吧自由加toppings，雪糕，愛玉，寒天，仙草，紫米，桃膠等等。線綿冰有淡淡的黑糖味，因為刨到幼細，所以真係入口即溶。今餐一人大約100蚊就可以埋單，非常超值。