阿翁廚房 (已結業)

呢間小店地點比較偏僻，如果唔係男朋友帶我黎食，都唔知筲箕灣有呢間食店。 今次已經係第二次幫襯，叫左同上次唔同既菜式。野食大大份，而且味道都唔錯，價錢相當合理。 前菜叫左雞絲粉皮，份量適中味道唔錯主食叫左回鍋肉炒年糕，回鍋肉唔算肥，加埋椰菜豆乾炒好足料上一次黎食已經想試佢嘅甜品，但因為各樣野食嘅份量太大，所以上次冇機會試。今次特登預留個肚試佢既甜品，可惜豆沙鍋餅已經賣哂，唯有食高力豆沙。一上枱見到個外觀就覺得麻麻地，食落亦都比較油，但佢既豆沙餡味道不錯！下次一定要試到佢豆沙鍋餅！