影片
更多
2021-05-05
43 瀏覽
出咗銅鑼灣突然想打邊爐，見到呢間火鍋店有好多好評，上OpenRice訂檯仲有七折就去試下。平日嘅晚上唔多人，地方非常寬敞，仲有卡位選擇，我哋揀咗靠落地玻璃位置可以望下街景。想食辣嘅湯底，見到有泰式冬蔭功湯鍋（$78）咁特別就叫咗嚟試吓，一擺上檯就聞到好香冬蔭功味，酸辣味出又唔會好似平時d冬蔭功湯咁濃，用嚟打邊爐唔會蓋過食物本身嘅原味，值得一試！我哋叫咗：牛魔王拼盤（ $399 ）拼盤有肥牛，牛胸爽，安格斯牛粒，牛脷，牛肉肉味好香，各個部份可以食到唔同嘅口感，最特別係牛胸爽，好多地方都未必有，有嚼頭又有油脂嘅甘香味～白鱔片（ $149 ）白鱔片肉質鮮嫩，厚薄適中無骨，大大塊用來打邊爐剛剛好～獅頭鵝腸 （$108）好新鮮有脆感，帶有油脂嘅香又唔會覺得膩，必點～流沙墨魚丸 （$68）+ 鯪魚球 （$45）兩款都非常彈牙，墨魚丸入面仲包住好香嘅流沙奶黃，好味～梅菜土尤豬肉丸（$50）少見嘅配搭，梅菜蒸肉餅就食得多，打成肉丸打邊爐都係第一次試，好新鮮，口感唔錯～飲品叫咗店員推介嘅自家製檸檬薏米水，一大渣都係$40，飲完個喉嚨即刻舒緩咗！七折後每人大概$250，用呢個價錢可以食到咁優質嘅食材，性價
想食辣嘅湯底，見到有泰式冬蔭功湯鍋（$78）咁特別就叫咗嚟試吓，一擺上檯就聞到好香冬蔭功味，酸辣味出又唔會好似平時d冬蔭功湯咁濃，用嚟打邊爐唔會蓋過食物本身嘅原味，值得一試！
我哋叫咗：
牛魔王拼盤（ $399 ）拼盤有肥牛，牛胸爽，安格斯牛粒，牛脷，牛肉肉味好香，各個部份可以食到唔同嘅口感，最特別係牛胸爽，好多地方都未必有，有嚼頭又有油脂嘅甘香味～
牛魔王拼盤
$399
5 瀏覽
0 讚好
0 留言
白鱔片（ $149 ）白鱔片肉質鮮嫩，厚薄適中無骨，大大塊用來打邊爐剛剛好～
獅頭鵝腸 （$108）好新鮮有脆感，帶有油脂嘅香又唔會覺得膩，必點～
流沙墨魚丸 （$68）+ 鯪魚球 （$45）兩款都非常彈牙，墨魚丸入面仲包住好香嘅流沙奶黃，好味～
白鱔片
$149
3 瀏覽
0 讚好
0 留言
梅菜土尤豬肉丸（$50）少見嘅配搭，梅菜蒸肉餅就食得多，打成肉丸打邊爐都係第一次試，好新鮮，口感唔錯～
梅菜土尤豬肉丸
$50
4 瀏覽
0 讚好
0 留言
飲品叫咗店員推介嘅自家製檸檬薏米水，一大渣都係$40，飲完個喉嚨即刻舒緩咗！
檸檬薏米水
$40
4 瀏覽
0 讚好
0 留言
七折後每人大概$250，用呢個價錢可以食到咁優質嘅食材，性價比算高！值得一提係食完唔會口渴，下次可以再嚟試吓其他食物同湯底！
張貼
