滿漢金鍋 (已結業)

今晚一於去銅鑼灣（滿漢金鍋）食豪D，因明天開始就要14日限聚冇飯開，所以今晚又要食好啲啊就係咁解啦！叫咗龍蝦，鮑魚，絲臘魚剌身，頂級手切牛肉，梅菜豬肉丸，西洋菜餃，另外叫了小食金磚豆腐同蜜椒鮮魷送酒一流👍👍👍

就係見到有好多好評，所以就去試吓。見到佢有$399套餐，原來已經冇咗。變成$599，而食物亦都唔太吸引，亦都唔係任食，每一樣野都係一兩件。所以我們決定散叫，覺得呢個決定係正確的！不過要讚嘅喺呢度嘅環境幾闊落舒適。店員亦都很幾禮貌！我們揀咗最普通嘅芫荽皮蛋湯底環境係闊落舒適的雲吞四粒，非常普通豬嘅份量唔大～呢個牛係唔錯嘅，開頭覺得好似好少，其實兩個人食係很足夠！呢個薯粉口感幾特別！食極都有流心墨魚丸，係幾得意喎手打牛丸，不過有啲硬！花膠餃～ 唔特別。我最鍾意係呢兜菜嘅擺位，好搞笑！總括來講，覺得係不過不失，餐牌上面嘅價錢其實唔平，埋單嘅時候發現原來係有八折，有啲驚喜！兩個人食，叫咗兩支啤酒，冇任何海鮮，人均消費大約$360。算係OK啦。

第一次去,呢一棟大廈都係第一次去,成棟大廈都係食嘢,奇怪在星期六晚就有啲靜,叫咗個二人餐,湯底就揀咗豬骨湯底.湯底同調味料都不過不失啦.唔算材料十足（應該話豬骨湯底都冇豬骨係啲湯裏面）呢個餐嘅好處就係唔使諗叫啲乜食,一次過攞曬黎25碟.乜都有㗎真係,最後就食淨兩粒大雞子.雖然浪費但係我真係唔啱食.總之就食得開心.有相.呢度仲有刺身,不過我就冇叫啦.個位都唔錯,窗口位,直接望到樓下條街.如果有泊車可以及住.

有一排冇見嘅舊同學，早幾日MESSAGE開話約出嚟食飯，就定今日，又係食我至愛嘅火鍋...戴氏伉儷加埋祥兄4人一枱剛剛好.....我對在OPENRICE搵好嘢食嘅技術真係好渣，次次都要人搵同提議.....今次揀左呢度，我18:45到，當時得一枱客....我地4人好似包場咁...服務員好似只為我地而轉咁....我地揀左黑蒜什菌雞湯底，烚嘢前都係飲下個湯先，個湯好甜吾錯呀...我地揀左肥牛、鮮牛肉、黑豚肉、片頭、餃子、雲吞、鯪魚滑、墨魚滑、雲耳、炸枝竹、響鈴、豆腐、生菜.....我覺得D雲吞同餃子吾錯，好好食，豚肉同肥牛也很好，但佢地話鮮牛肉就差少少，其他都一般....可能少客關係，個場好靜，冷氣都特別大，我地個爐係咁比D冷氣風吹住，D嘢食放左落湯一直都滾吾起，於是同服務員講，佢地就搵左塊擋遮一遮個出風位，同換過支新GAS，冇耐煲嘢即刻好快滾....大家都滿意同開心，今晚呢度真係好少客，吾知咩原因，我覺得呢度環境吾錯、乾淨企理，服務都好好，整體食物又吾錯....有機會再嚟

這間餐廳不會以裝修來取悅客人，我們這班食客最怕是食裝修，而不是真正享受食材。見他會在食物方面提高質素，但價錢大眾化來。真好，還有蔬菜籃及飲品送。真係冇得頂！我一定會經常去吃。

打邊爐既選擇，仲要係銅鑼灣，一定有好多，今次就去滿漢金鍋。一出𨋢見到一幅石屎流水牆，好似好有詩情畫意咁😊入到去見到啲位置都分佈得幾好，位置同位置之間空間好足夠，唔會太近，疫情呢啲時候距離係舒服既。揀好鍋底後，先黎調味料，六小瓶，有獨立匙羹，感覺衛生。呢度有套餐，亦有散嗌，豐儉由人。港式麻辣湯鍋麻辣味足，仲非常足料，越煲越有味👍🏻鮮牛肉件件都厚切，肉質厚實，唔會薄切渣流灘。自家製三寶餃原來最後只係得兩款餃，鮮蝦雲吞同墨魚韭菜，粒粒爽口彈牙，自家製係唔同啲。炸魚皮麻辣火鍋必備啦，唔係隔夜野，無油yick味。花甲王無沙係基本野啦，有啲都甜，不過辣鍋搶左啲味豬潤呢個我無食，不過朋友表示好食。

銅鑼灣區真係食lunch天堂，比起以前中環返工貴得來又未必好食兼再大排長龍，就算book定枱去到都要等翻枱，打工仔真係搵食艱難。今次就來試呢間午市一人火鍋餐，上手有間四川火鍋店個lunch其實都好出色，可惜疫情後都無可幸免，執粒收場。好彩易手後環境照樣闊落舒服，又出咗幾款一人餐，之前仲有新開優惠，即減$10免加一落樓，我就用一個頹飯價錢去食個自選三餸面火鍋湯底+凍飲。唔信自己睇menu自問牛魔王就緊係全牛宴肥牛+黑柏葉+牛丸，配個丁面麻辣湯底，一人一鍋，最啱呢期防疫唔駛同人share講番食物，個肥牛都幾肥美，黑柏葉真係必叫，因為唔多地方有得食，牛丸其實普通，唔講都唔知係手打。飲品就揀咗杯檸檬薏米水，食完麻辣呢杯真係幾下火，如果大杯少少更完美後記：最近想再去，點知午市營業時間改咗13：30先開，咁我呢D打工仔咪冇機會嘆多次不過，原來樓上又做lunch set，又要準備下篇食評

朋友見到有半價優惠即管試試，本著期望不高的心情去食，點知出乎意料之外的高質！點了杏汁豬肺加麻辣鴛鴦鍋（豬肺非常好味個豬肺湯可以當老火湯飲）鱔片、頂級手切肥牛、蝦滑、手打墨魚丸、三寶餃、蔬菜籃等。雖然半價但份量唔小，鱔片超級新鮮、牛肉入口即化、餃子係超水準地好食、丸類蝦滑屬於水準之中，最估唔到係蔬菜好嫩好新鮮，以半價的價錢來説完全超值了。見到隔離枱叫左龍蝦刺身好大盤，賣相不錯，下次可以試試，唯讀是服務員比較嚴肅，有些少黑黑地面咁，但都有應我哋嘅。差啲漏左鹹蛋黃炸魚皮，非常香脆惹味！

滿漢金鍋主打中式火鍋，湯底及火鍋配料選擇多！坐位夠寬，如果冷氣大啲更好！白鱔片 $149魚肉爽口鮮甜，份量亦多！但白鱔片中有少量魚骨，進食時，要小心！三寶丸 $108包括有豬肉丸、蝦丸及墨魚丸，每款有三粒！應該係餐廳自家出品，有特色！蕃茄昆布豆腐銀魚湯鍋 $88湯底內有蕃茄、豆腐、炸銀魚仔！湯底帶淡淡蕃茄味，用嚟打邊爐就可以食到食材本身味道！牛魔王拼盤 $398份量十足！有安格斯牛肉粒、雪花肥牛、牛舌 及 牛胸爽！

假日下午想打個輕食邊爐🍜唔想食咁飽又想過下口癮(人生真係好矛盾😂)位於銅鑼灣既👉滿漢金鍋，就可以滿足我咁矛盾既願望啦😚佢地既午市套餐🥢啱哂一個人自私食🙋🏻‍♀️自己一鍋自己想食咩都得，只係$68好抵食🤩如果想食得豐富啲飽啲，仲可以加錢加配配料添~·🥘 午市套餐  HKD$68🔸️自選湯底一款 - 🐖杏汁豬肺湯鍋 (升級鍋底+$13)好鮮甜😻😽 杏汁味都幾出，豬肺大大件，真材實料👍 記得打邊爐前飲啖湯滋潤下💕·🔹️自選麵底一款 – 🍲日本烏冬 / 紅茨粉同朋友分別叫左烏冬同紅茨粉，個人勁like紅茨粉😋 好煙韌彈牙，好有口感😍 淥耐左都唔會變到糊仔咁散開哂，推薦👍·🔸️自選配料三款▫️香菇貢丸🐷、自家製牛肉丸🐮、脆皮芝士腸、蟹柳、炸枝竹、唐生菜🌱▫️濃湯雞件🐓、豬嘜午餐肉🐽、魚片頭、蟹柳、紫菜、白菜仔🌱同朋友每人都加左3樣配料，好豐富🤤 仲可以share食開心好多🤗 特別推薦🤩濃湯雞件及🤩自家製牛肉丸濃湯雞件🐓醃得好入味，雞件大大件好厚肉😻 而且肉質好嫩滑，大愛💕 而自家製牛肉丸🐮係用真牛肉手打成😚 富有肉汁好香牛肉味，fresh!·🔹️奉送冷熱飲品 - 紫貝天葵 & 檸檬薏米水🍋

Looking for a great hotpot place at CWB? Check out Ultimate Hot Pot! My friend and I were looking for a spot to fulfill our hotpot cravings. We came across their OpenRice and saw a lot of good reviews - so we decided to visit this place. First off, I loved how spacious this place was. Also, they offered us the window view 😍😍😍 I love a good natural lighting. I noticed they are doing a 50% on the hot pot discount promotion on OpenRice. Definitely would revisit for its spacious interior and to try

芫茜皮蛋馬蹄湯鍋🌿我同朋友都想食得清新一點，揀咗唔辣的芫茜皮蛋馬蹄湯底，亦唔會蓋過其他火鍋配料的鮮味～美國雪花霜降肥牛🥩肥牛色澤鮮紅，油脂分佈頗為平均，涮一涮就食得，肉質細嫩，質素不錯！三寶丸🥢三寶丸可以一次過試到多啲口味，三款入面比較鍾意梅菜豬肉丸，梅菜鹹甜適中，肉丸口感彈牙，而且梅菜粒豐富咗肉丸的口感😋蔬菜拼盤🥬用靚靚菜籃裝住的蔬菜拼盤顏色翠綠，有菜心、油麥菜、唐生菜、粟米等超過5、6種蔬菜，種類非常豐富！花甲🥢花甲雖然唔太大，但係味道鮮甜👍自家製餃子🥟餃子皮薄餡靚，鮮蝦雲吞餃裏面包咗大大粒蝦肉，隻隻飽滿火鍋店位置方便，銅鑼灣一出站就到，而且座位闊落，環境幾舒服～

一入去覺得個地方幾乾淨，唔會好大陣邊爐味，同埋坐嘅位置都幾闊落，可能夜晚8:30先去食，所以個場唔係太多人首先會有唔同嘅香料比你自己去混最啱嘅味道，同出面嘅酒樓差唔多，但就用個靚d嘅樽仔因為唔食得辣，所以嗌左個清清地嘅豬骨湯底，食肉定海鮮都啱因為唔太肚餓，所以就嗌左安格斯肥牛，花甲同水餃🤣🤣🤣安格斯肥牛油香味十足，份量都算ok,而個花甲都好鮮甜，又唔會有沙，但就瘦左少少，最有驚喜係個水餃，啖啖肉同真人有一隻蝦喺入面👍🏻

We booked a table through OpenRice for 8pm… while the booking is acknowledged upon arrival but there’s no table available and the restaurant would not tell us when a table can be available even after about half an hour of waiting. Terrible.

尋晚趁住老竇放假，就同佢嚟到銅鑼灣呢間火鍋餐廳食好嘢～佢喺京都廣場3樓，幾方便～一入到去就覺得佢嘅裝修好靚，坐得幾舒服～有唔同嘅火鍋湯底同食物選擇～豆腐莞茜湯$148有好多豆腐粒粒同埋好多莞茜，睇落清淡，但係食落覺得湯底都幾濃郁～仲有好多蜆肉係入邊，食落覺得幾香幾好味😋美國頂級雪花肥牛肉$188一大碟雪花肥牛，望落好新鮮，雪花紋幾靚，淥完之後食落覺得好爽口，而且好香，係高質嘅肥牛～手打丸好新鮮嘅手打丸，有唔同種類，好似肉丸，墨魚丸，蝦丸，鯪魚球等等～全部食落都覺得好彈牙，而且幾滑，大大嚿，幾鍾意蝦丸，感覺好新鮮，蝦肉嘅鮮甜味幾突出🦐食得幾滋味！自家製餃子有韭菜餃，蝦餃，雲吞等等～幾鍾意佢嘅餃子🥟皮薄餡多，而且仲有好多汁～入面仲有大大嚿蝦肉，韮菜餃都幾正，有好多韮菜係入面，幾濃味，覺得好好味😋蔬菜籃一大個蔬菜籃🧺入面有唔同種類嘅蔬菜🥬好似生菜，油麥菜，白菜仔，西洋菜等等～超級多菜，十分之健康！菜好新鮮，亦都滿足到我食唔同種類菜嘅願望～檸檬薏米水$40健康嘅飲品🥤酸酸甜甜，有檸檬🍋同薏米，幾適合打邊爐飲一杯～花茶好靚嘅花茶，有唔同種類嘅花，好似玫瑰花等等🌹浸熱水飲落幾清香～