一本‧串里 (已結業)

係麻辣風雲隔離既呢間一本‧串里，主打日式料理、燒物，午市定食好抵食！價錢親民就食到魚生丼😌仲有好多款唔同既小食、炸物、串燒可以選擇，特別推薦佢地既特長燒鰻魚壽司！第一次見鰻魚壽司咁長。1️⃣雜錦魚生丼（$72） 好抵食！有三文魚、吞拿魚、帶子、赤蝦、墨魚、𩶘魚、蟹柳、甜蛋，好豐富！另外仲有麵豉湯。  2⃣️鹽燒鯖魚定食（$45） 呢個價錢黎講，鯖魚份量幾足，味道冇乜特別，但係食落唔會感覺好乾。  3⃣️吉列豬扒定食（$42） 吉列豬扒炸得幾好，好脆。  4⃣️特長鰻魚壽司（$30） 呢個好有驚喜🤩鰻魚真係有手臂咁長！  5⃣️火焰壽司拼盤（$122） 有六款火焰壽司、包括三文魚、帶子、吞拿魚、左口魚裙邊、劍魚腩、芝士甜蝦。呢個好推薦，炙燒味道好香，味道上都係一啲都唔馬虎😋  6⃣️日本芝士年糕（$40） 呢個普通啲，一開四，略顯芝士唔夠多。  7⃣️芥末八爪魚手卷（$19） 紫菜仲係脆既！呢個已經係一個加分位👍  8⃣️大大花之戀（$38） 呢個可以話係好食過最大件既花之戀🌸淨係三文魚都用左幾塊黎包實佢🤤  9⃣️珍寶赤蝦刺身（免費） 午市套餐好似唔知食夠既幾多錢就會送😄好抵食！赤蝦好大條而且厚肉新鮮！