船長意法日餐廳 (已結業)

放工係元朗附近搵食 見到呢間餐廳又有西餐 又有日本野食就入去嘗試試我地最後簡左個豐盛一人餐 另外再單點左個西西里焗厚切豬排飯 呢個一人餐包左餐湯 沙律 主菜同飲品餐湯我地簡左粟米忌廉湯 味道咸左小小而沙律則配上非常開胃既芝麻醬 主菜方面 我地就選擇左澳洲肉眼扒配脆薯王老實說 扒雖然大塊 但味道卻只是一般而已因為實在煮得過熟了點 另外 一人餐的選擇沒有很多 但這個價錢包咁多野食 其實也不能要求太多反而單點的厚切豬排飯卻更有驚喜！豬排一啲都唔靭 飯上仲鋪上滿滿的芝士食起黎仲可以拉絲喜歡芝士既朋友一定唔好錯過喇！整體黎講 船長餐廳食物既選擇真係好多 而餐廳內既環境也唔錯 至少唔係坐到好迫 會聽到隔離枱傾計果種 都幾適合幾個朋友坐低慢慢食野傾計