Mini Friday (The Wave)

營業中

休息中

週六在觀塘工廠區行街過後，知道The Wave 是翻新了的工廠大廈，很年輕活力的風格，內裏進駐各式餐廳。午膳時間，決定到Mini Friday用膳。午市套餐均為半自助餐，共有六款選擇，全部均包括自助沙律吧。自助沙律吧嘅選擇都算多，有雞翼，炸麥樂雞，蔬菜方面有沙律同埋粟米車厘茄，仲有我至愛既紅菜頭添。甜品方面有牛奶布甸，芒果慕絲蛋糕，芝麻糊，同埋冬甩，仲有一個自選意粉吧，可以自己揀配料整，有得揀墨汁意粉添。唔好以為個意粉好求其，實質個白汁忌廉意粉creamy得嚟唔會太甜太漏，同岀面西餐既意粉有得fight! main方面我同朋友分別點咗炭烤澳洲羊架同肉眼扒。羊架入面係嫰粉紅，肉眼扒夠厚夠Juicy，特別係肉眼扒嘅黑松露燒汁帶得出炭燒香！價錢都係每人150左右 真係抵到爛！