漁初·魚丼 (已結業)

最近行過見到長沙灣又開咗間新嘅日式餐廳主打食魚生飯同串燒。門口掛咗幾個好可愛嘅雞泡魚燈籠🐡。 嚟到呢度必食推介梗係揀三文魚系列嘅丼飯，有三文魚、火炙三文魚腩、熟帶子、玉子燒。呢個丼飯係我喺香港食過最好味嘅丼飯，真心讚！仲可以免費添加酢飯。個火炙三文魚腩要比無限個like，火炙過後表面微微焦香，魚油香非常突出，令人回味無窮。 老公點咗原條鰻魚飯，鰻魚表面塗上甜鹹醬汁，以火烤的蒲燒，其香味令人食指大動。裹上甜鹹醬汁、香氣四溢的蒲燒，非常美味。食起嚟肉質肥美，肉質鮮嫩多汁，非常滋味🤩！ 除咗丼飯之外，我哋都揀咗幾款燒物。 燒香口五花腩：：五花肉同脂肪比例恰到好處，油脂香氣十足，油脂入口仲保留住脂肪融化口中的香味，肉質柔嫩多汁，肉味濃郁美味。 燒日本雞皮：雞皮好有彈性又帶點香脆，非常好味。 豚肉荔枝卷：豚肉包住荔枝，份外清甜解膩。 燒蟹膏特長蟹柳棒：味道鮮甜，口感爽脆，加埋蟹膏，味覺口感頂級享受😍!  自家製免治雞肉丸有3粒，食落去雞肉好爽口有彈性，醬汁甜甜的，沾著濃郁嘅生蛋黃食確係無上的享受😋。