影片
更多
2018-03-23
359 瀏覽
作為1月1號開張的首位/第二位客人，首次經驗良好，所以事隔約兩個月，又再選擇嚟呢間CAFE，今次係光顧晚巿~崇潔街人氣似乎一般，整個食肆範圍嘅晚巿時間都唔太多人，呢間亦不例外，所以直接walk in入嚟即可。老闆嘅記性好好，竟然對本人有印象。經過一輪研究餐牌後，處於猶豫不決狀況的我同朋友問老闆意見，佢非常熱心地推介黑毛豬。由於必須進食全熟食物關係，與餐牌推薦的7至8成熟不符，於是再問佢意見，老闆表示全熟的話，肥少少嘅黑毛豬柳咬感會比較理想。另一個餐就揀咗墨魚汁燴蝦意粉，老闆好心地提醒會食得較論盡，個嘴仲會變晒色，未必啱顧儀態嘅人士，但我倆照樣去馬。上餐前先上麵包同餐湯，雖然冇為佢地影相，但麵包確實烘得香脆，湯的味道亦不俗。再嚟新鮮炸起熱辣辣嘅黑松露薯條，非常脆口，咸味適中。之後上黑毛豬柳配薯蓉~老闆嘅建議確實是對的，即使全熟，豬柳肉質依然保持嫰滑，稍肥少少但可以接受，咬落去充滿油香，同搭配的醬汁亦完美配合。跟住嚟咗墨魚汁燴蝦意粉~本人覺得呢個稍為遜色，因為配料真係太少，蝦嘅質感亦唔算實，但墨魚汁算香，所以都叫中規中矩，而且亦帶畀我同朋友互相影相嘅歡樂時光。飯聚現場，可以與友歡聚先係最重
老闆嘅記性好好，竟然對本人有印象。經過一輪研究餐牌後，處於猶豫不決狀況的我同朋友問老闆意見，佢非常熱心地推介黑毛豬。由於必須進食全熟食物關係，與餐牌推薦的7至8成熟不符，於是再問佢意見，老闆表示全熟的話，肥少少嘅黑毛豬柳咬感會比較理想。另一個餐就揀咗墨魚汁燴蝦意粉，老闆好心地提醒會食得較論盡，個嘴仲會變晒色，未必啱顧儀態嘅人士，但我倆照樣去馬。
上餐前先上麵包同餐湯，雖然冇為佢地影相，但麵包確實烘得香脆，湯的味道亦不俗。
黑松露薯條
$28
9 瀏覽
0 讚好
0 留言
之後上黑毛豬柳配薯蓉~
西班牙無骨黑毛豬柳扒配薯蓉
$118
6 瀏覽
0 讚好
0 留言
跟住嚟咗墨魚汁燴蝦意粉~
墨魚汁燴大蝦意粉
$88
15 瀏覽
0 讚好
0 留言
最後送上朱古力心太軟，熱騰騰地捧出嚟，所以表皮仲帶點脆，甜品賣相一流，一切即刻流出濃濃朱古力醬，有誠意！本人覺得稍甜，但老闆表示已經改良過甜度，之前更甜，相信好甜食嘅客人應該會喜歡。
呢間嘢值得稱讚嘅地方有好多，老闆態度好、熱心推介，客人用餐完畢後會出嚟誠懇問意見，加上價錢真係好相宜，最重要的係竟然！竟然！竟然！冇加一，成餐只係收咗$219！相信去尖沙咀、銅鑼灣食同樣的set dinner，價錢隨時貴一倍，服務亦唔使要求咁多，所以呢間食肆真係要推介吓，希望有多啲客人光顧，令舖頭可以繼續經營落去吧！
朱古力心太軟
5 瀏覽
0 讚好
0 留言
張貼
