焱丸水產

營業中

休息中

自己耐唔耐都會嚟焱丸水產幫襯，最近剪完頭髮就近近地行過嚟呢度食埋飯，喺晚飯時間前入座所以唔使等好耐，坐低無耐開始陸續有人入座，所以好快就差唔多坐滿，唔想食太飽，所以少少哋叫咗幾樣食物。鍾意食魷魚鬚嘅朋友咪錯過，魷魚鬚加咗海苔之後味道勁正，而且一啲都唔油膩，非常適合送酒。三文魚壽司拼盤有齊原味，火炙，海膽，黑松露，三文魚籽，可以一次食哂五款不同口味嘅配搭。沙律鋪滿好多蟹籽而且份量非常多，薯仔口感軟綿綿，味道清新又醒胃。三文魚鮫燒至呈金黃色，魚皮非常香脆，內裏肉質飽滿多汁，第一次喺呢度點魚鮫，魚鮫比我想像中正。每次嚟都必定會叫呢個蟹味噌甲羅燒，蟹膏味道非常濃郁加上口感 Q 彈嘅蟹籽，口感同味道都超讚，而且店員仲會幫你燒埋添。