和牛燒肉一郎 (新都城中心二期) (已結業)

聽朋友講新都城開咗間燒肉店一段時間，而且又幾好食，所以一直都想試吓，咁啱同老公經過新都城，所以就嚟咗呢間燒肉店試吓。我哋今次試咗B餐，特選牛&嚴選牛環境：餐廳乾淨光猛，座位寬敞，抽氣做得好，唔會有燒肉味/油煙味。食物：首先會擺低兩盤肉，上面有貼好係邊款肉，方便自己揀自己喜好之後可以再落單。牛肉味濃，而且肉質嫩滑，尤其係壽喜燒牛肉，大大塊，沾滿蛋汁好好食。除咗燒肉之外，仲有炸物、小食，炸物係即刻炸起，熱辣辣，好好食。飲品有好多選擇有果汁，亦都有汽水，甜品都有五六款。服務：職員態度友善親切，主動教我哋點樣燒，又會示範一次俾我哋睇吓，無過菜單上冇單點溫泉蛋，但係問完佢之後突然比左隻蛋我，好驚喜。價錢：以食物質素來講呢個價錢好抵食，可以話係將軍澳區內質素最好嘅燒肉店，絕對會回頭。聽講每個月嘅最後一個禮拜日係肉之日，$498但係有幾十款嘢食，仲有六款和牛！下次會再嚟試下。