影片
更多
2023-04-16
35 瀏覽
今日去咗尖沙咀行街，去到晏晝時間，大家都想食燒肉。因為響日本旅行完返嚟之後，好掛住日式嘅燒肉。路過見到牛匠石燒呢間舖頭，假日都有lunch set。有得玩bbq，又有麵豉湯同埋沙律嘅一個lunch set，睇落唔錯，所以我哋入咗去試吓。Lunch set都有其他唔同嘅定食，但係為左食燒肉嘅我哋梗係揀返燒肉啦。我揀左嚴選封門牛柳一口定食，朋友仔揀左鹽蔥牛舌伴牛五花定食。另外點多咗兩個小食，椒鹽雞翼同埋鹽燒鯖魚。用手機落單，點完餐之後，餐廳有個小露寶嘅自動車機械人，就會將餐點送到去店員手上，再分發俾我哋。我哋對於呢個識講嘢嘅小露寶覺得非常之有趣。食嘢都有次序，首先店員教我哋，將牛油嘅固體脂肪，放上去鐵板先，待脂肪溶化後，先開始燒肉食。咁樣嘅消化，牛就有額外嘅香味，因為已經有牛油脂肪一早煎香左個鐵板。大家都有交換啲肉嚟試吓味。牛肉食得出係非常之新鮮。唔使點佢額外比嘅蒜蓉醬油，同埋燒肉醬油，已經非常有鮮味。因為係lunch set嘅關係，佢牛肉嘅份量就應該冇平時單點嘅咁多，但係晏晝食嘅話又唔需要太多，都好夠食。另外，麵豉湯好有日式風味。好少有香港嘅日式餐廳可以煮到日本嘅味道。另外小食嘅椒鹽雞翼
路過見到牛匠石燒呢間舖頭，假日都有lunch set。有得玩bbq，又有麵豉湯同埋沙律嘅一個lunch set，睇落唔錯，所以我哋入咗去試吓。
Lunch set都有其他唔同嘅定食，但係為左食燒肉嘅我哋梗係揀返燒肉啦。
我揀左嚴選封門牛柳一口定食，朋友仔揀左鹽蔥牛舌伴牛五花定食。另外點多咗兩個小食，椒鹽雞翼同埋鹽燒鯖魚。
用手機落單，點完餐之後，餐廳有個小露寶嘅自動車機械人，就會將餐點送到去店員手上，再分發俾我哋。我哋對於呢個識講嘢嘅小露寶覺得非常之有趣。
食嘢都有次序，首先店員教我哋，將牛油嘅固體脂肪，放上去鐵板先，待脂肪溶化後，先開始燒肉食。咁樣嘅消化，牛就有額外嘅香味，因為已經有牛油脂肪一早煎香左個鐵板。
大家都有交換啲肉嚟試吓味。牛肉食得出係非常之新鮮。唔使點佢額外比嘅蒜蓉醬油，同埋燒肉醬油，已經非常有鮮味。
因為係lunch set嘅關係，佢牛肉嘅份量就應該冇平時單點嘅咁多，但係晏晝食嘅話又唔需要太多，都好夠食。
另外，麵豉湯好有日式風味。好少有香港嘅日式餐廳可以煮到日本嘅味道。
另外小食嘅椒鹽雞翼同埋鯖魚，都係非常出色，尤其是係鯖魚，煎得金黃香脆。
另外嗰set都包一杯杯飲品，我哋加咗少少錢揀咗藍泡茶。朋友仔揀咗白桃烏龍，我揀咗四季春。因為食牛肉飯嘅話就比較熱氣，所以凍嘅冷泡茶可以解吓脂。
百零蚊一個lunch set，可以搵到燒牛肉，同埋一個完整嘅定食，真係一個非常唔錯嘅選擇。
張貼
