為食仔海鮮火鍋專門店

營業中

休息中

過咗九點半又係宵夜時段，有特價，所以同個朋友兩個人黎試吓。叫咗個辣嘅BB蜆，d蜆食晒可以無限添加，但需要嗌多個配菜。湯底越食越辣，不過就冇乜味道，蜆都尚算鮮甜，但有啲沙。叫咗杯菠蘿沙冰，好大杯，夠我飲左兩個鐘。嗌咗個豬併盤，我同朋友都唔知係內臟，冇乜點樣食。仲有餃子都唔錯，啲蝦好大隻，粒粒都好飽滿。皇帝菜都新鮮，加係個湯底都幾好味。竹笙浸晒落啲湯度，又係好辣好惹味，幾好。埋單$500，算係一間性價比高嘅餐廳，但唔算話好好食，始終啲蜆都有幾多沙，但絕對可以醫飽個肚。