十和田總本店

營業中

休息中

多數去科學園間分店食，今日收工諗唔到食咩，就建議同事食呢間。其實呢間總店都大間，不過始終係市區，就相對冇咁chill，人多嘅時候相對會迫啲。不過食物質素就冇影響，行過吧枱已經見到佢啲刺身好肥美。我不變的選擇，雜錦魚生丼，通常啲餐廳都係角切，啲刺身好細粒，但呢間唔係！三文魚係一大片，又有原粒嘅貝，份量仲多個飯！真係超級抵食同事唔想食太生，就揀咗火炙刺身飯，有六七款刺身！而且大大片，都只係$138！兩碗魚生飯，埋單都唔使$300 ，仲要係尖沙咀區！見到佢set lunch選擇都唔少，有機會都嚟試吓。走嘅時候，見到門口有張外賣紙，遲啲開party有多個選擇。