25
2
1
等級4
網上見到中環萬宜大廈開咗間新嘅中菜館「⭐️星.68」,七月底前做緊堂食/外賣*68折優惠*,咁鬼抵就一於試下。餐廳入口原來喺停車場旁邊,即係斜路仔。餐廳環境寬闊,燈光明亮,客人自然坐得舒服😊。由於好耐無飲過茶、食過中菜,於是我哋就放縱一下🙈,叫咗個二人餐之餘,再另點其他食物。餐廳算係新派中菜館,創意款式同經典口味任君選擇!餐廳比較特別嘅地方係有同丸茶手作(我最愛嘅茶飲店)合作,即係我可以邊嘆珍珠奶茶、邊食點心🥤。除咗茶飲外,餐廳亦主打滋補燉湯,唔同日子有唔同款式以供選擇😁。68薈萃全盒($108),六款點心包括鮮蝦餃皇、乾蒸牛肉燒賣、臘味煎蘿蔔糕、安蝦鹹水角、青蛙王子同金箔芝麻糕。論賣相無可能唔拎滿分掛💯?拼盤有四款鹹點同兩款甜點,其中🐸青蛙包最吸睛,餡就係豆沙餡,包皮都算鬆軟。另外,鹹水角係較傳統嘅點心,出奇地呢到嘅出品好出色🤤,外皮炸得好脆,但無油膩感,又夠大隻。乾蒸牛肉都唔錯,建議點喼汁食;蘿蔔糕就無乜特別。甜點芝麻糕類似芝麻卷嘅口感,味道濃郁,我唔鍾意食芝麻糊都覺得便幾好食。午市套餐(2位用$276),套餐內容豐富,兼且十分抵食😍。其實齋食佢已經飽哂,不過我哋太為食無計。二小碟:
更多
20 瀏覽
0 讚好
0 留言
網上見到中環萬宜大廈開咗間新嘅中菜館「⭐️星.68」,七月底前做緊堂食/外賣*68折優惠*,咁鬼抵就一於試下。餐廳入口原來喺停車場旁邊,即係斜路仔。
22 瀏覽
0 讚好
0 留言
餐廳環境寬闊,燈光明亮,客人自然坐得舒服😊。
228 瀏覽
0 讚好
0 留言
163 瀏覽
0 讚好
0 留言
由於好耐無飲過茶、食過中菜,於是我哋就放縱一下🙈,叫咗個二人餐之餘,再另點其他食物。餐廳算係新派中菜館,創意款式同經典口味任君選擇!
15 瀏覽
0 讚好
0 留言
餐廳比較特別嘅地方係有同丸茶手作(我最愛嘅茶飲店)合作,即係我可以邊嘆珍珠奶茶、邊食點心🥤。
190 瀏覽
0 讚好
0 留言
除咗茶飲外,餐廳亦主打滋補燉湯,唔同日子有唔同款式以供選擇😁。
68薈萃全盒
$108
17 瀏覽
0 讚好
0 留言
68薈萃全盒($108),六款點心包括鮮蝦餃皇乾蒸牛肉燒賣臘味煎蘿蔔糕安蝦鹹水角青蛙王子金箔芝麻糕。論賣相無可能唔拎滿分掛💯?拼盤有四款鹹點同兩款甜點,其中🐸青蛙包最吸睛,餡就係豆沙餡,包皮都算鬆軟。
8 瀏覽
0 讚好
0 留言
另外,鹹水角係較傳統嘅點心,出奇地呢到嘅出品好出色🤤,外皮炸得好脆,但無油膩感,又夠大隻。乾蒸牛肉都唔錯,建議點喼汁食;蘿蔔糕就無乜特別。甜點芝麻糕類似芝麻卷嘅口感,味道濃郁,我唔鍾意食芝麻糊都覺得便幾好食。
7 瀏覽
0 讚好
0 留言
午市套餐(2位用$276),套餐內容豐富,兼且十分抵食😍。其實齋食佢已經飽哂,不過我哋太為食無計。
7 瀏覽
0 讚好
0 留言
二小碟: 陳皮牛𦟌、醬香蘿蔔,兩款涼拌小食各有五件,份量啱啱好。其中一款本身應該係京式肴肉,但好似換咗做牛𦟌🐂,食落有啲啲辣;由於醃咗味,所以都唔確定佢係咪真係牛。至於醬香蘿蔔有啲其貌不揚,但又幾爽脆、幾開胃,唔太重口味。
海星蘋果龍脷葉燉瘦肉
$55
6 瀏覽
0 讚好
0 留言
即日燉湯嘅款式係海星蘋果龍脷葉燉瘦肉,後尾先發現好似可以轉款,但而家都無損失,因為依款勁好飲😋。首先我相信餐廳係有將個燉湯去油,加上口味唔會過鹹,所以好清爽。第二燉湯好足料,有成隻海星仔同🍎蘋果,同埋大量好有嚼口嘅煲湯瘦肉。我勁鍾意哈哈。
8 瀏覽
0 讚好
0 留言
雙式點心: 鮮蝦餃皇、花菇燒賣,兩款皇牌點心、每款各二,簡直係完美組合,皆因點心係好食,但都好飽肚😆。蝦餃同燒賣均唔錯,大大粒無欺場,朋友話食落有傳統酒樓點心嘅風味,即帶點豬油香。
鳳梨酸甜肉
6 瀏覽
0 讚好
0 留言
鳳梨酸甜肉,呢個即係咕嚕肉,味道偏酸,啱配飯。咕嚕肉大小適中,無骨,可以一啖食哂。另外,伴菜有唔少三色椒同菠蘿🍍。
原隻鮑魚花菇翡翠
4 瀏覽
0 讚好
0 留言
原隻鮑魚花菇翡翠,兩隻鮑魚炆得入味,口感爽口得嚟唔會韌,幾正!下低墊住嘅仲有小棠菜同大花菇,同樣地亦係好夠味😛。
海參沙葛叉燒粒炒飯
8 瀏覽
0 讚好
0 留言
海參沙葛叉燒粒炒飯,炒飯份量好多,每人分到唔止一碗囉!🍚炒飯好高質,每粒炒至乾身分明,仲好均勻地上哂色,粒粒都帶有豉油鹹香。我哋食得出叉燒粒同沙葛粒,但食嗰時就無為意有無海參。
酥炸魷魚鬚
$70
10 瀏覽
0 讚好
0 留言
酥炸魷魚鬚($70),我知道餐廳係隸屬鴻星集團,所以酥炸系列係必點項目。🦑炸魷魚鬚真係好鬼正,魷魚本身已經好食,加上佢嘅炸皮酥脆兼夠薄,食完唔會成口粉或者熱氣,果然無令我失望,推介。
桑寄生蓮子芋圓茶
$39
3 瀏覽
0 讚好
0 留言
桑寄生蓮子芋圓茶($39/位),我預咗唔會有西營盤老字號咁好味,但都比想像中好。桑寄生茶帶點甘味,唔會過甜;除咗有名稱所述嘅蓮子同芋圓外,亦都加入咗鵪鶉蛋作配料🥚。
脆脆銀魚
9 瀏覽
0 讚好
0 留言
題外話,我亦都特別介紹番集團嘅名物,就係作為餐前小食嘅脆脆銀魚🐟,真係好惹味,去親工展會都要入貨!
10 瀏覽
1 讚好
0 留言
餐牌寫住如果叫特式茶飲,就可免茶水費(每人都成$12),諗落嗌嘢飲仲有著數啵。我哋要咗凍奶蓋芋香奶茶($32)及凍極品鐵觀音($18)加桂花珍珠($6)同經典黑糖珍珠($6)。質素同平日飲開無異,飲品好飲、珍珠好食😙。
格雷伯爵茶
11 瀏覽
0 讚好
0 留言
不過食中餐點都要飲返杯熱茶至啱數,我哋要咗中菜館少見啲嘅格雷伯爵茶🍵,都幾清香。另外,仲有四季春同普洱茶揀。
5 瀏覽
0 讚好
0 留言
總括嚟講,成餐都令我哋喜出望外,皆因食物、環境同服務方面都好好。雖則佢嘅味道未稱得上好驚艷,但起碼樣樣都叫做有番咁上下水準,份量又多👍。最後亦係重點所在:而家做緊68折優惠真係好抵食,成枱食物埋單都只係四百蚊左右。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-07-26
用餐途徑
堂食
人均消費
$200 (午餐)
推介美食
68薈萃全盒
$ 108
海星蘋果龍脷葉燉瘦肉
$ 55
海參沙葛叉燒粒炒飯
酥炸魷魚鬚
$ 70
脆脆銀魚
格雷伯爵茶