阿久根和牛立燒店 (已結業)

旺角呢間日式立燒店，店舖面積唔大，大約只係容納到20人。店內提供嘅定食套餐性價比高，百零蚊就食到日本A4和牛，無論一個人定兩個人，都適合黎試下架。✨極尚和牛定食定食有沙律、麵豉湯、漬物、飯素白飯，當然仲有主角和牛。麵豉湯味道好濃，仲有蜆肉。牛方面，A4肉眼、A4西冷、牛舌、牛肚各有2件。個人實在大大大愛A4肉眼，脂肪同油花豐富，真係入口即溶🥰額外點左雞軟骨、冬菇、菠蘿同翠玉瓜黎燒。✨阿久根和牛涮鍋牛涮鍋用壽喜燒湯底，配有野菜拼盤、日本雞蛋同稻庭烏冬。牛方面有胸腹肉3件、三角肋肉2件、A4肉眼1件。三角肋肉油花都好香🤤以壽喜燒湯底涮牛肉，再點日本雞蛋食，好美味。稻庭烏冬對我黎講永遠係必需要既完美句號🤪自助嘅調味辣粉都好有驚喜。一般嘅七味粉味道相對柔和，呢度嘅辣粉味道更加香濃。除咗原味，仲有蒜蓉味同洋蔥味揀添。