影片
更多
2022-10-22
44 瀏覽
鍾意打邊爐嘅我不時都去食唔同嘅火鍋店🍲今次就黎左一鍋堂 主打養生火鍋嘅餐廳我地食晚市嘅早時段5:00pm至7:00 pm都只係二百幾蚊就可以食到任食和牛🤩但係食物嘅質素媲美單點 實在超值😋.🌟C餐 - 高級澳洲和牛 ($248).牛肉嘅款式非常多🐮例如有澳洲M5和牛板肉、美國安格斯牛肉、封門柳、手切牛脊肉、魔鬼辣安格斯牛肉、花雕浸安格斯牛肉等等我地最推薦澳洲M5和牛🥩油脂分布平均 入口甘香 牛肉味又夠香濃不知不覺encore左好多碟 😍咁好食就算食最貴呢個餐都好值得！其他牛肉質素都好好花雕浸安格斯牛肉 充滿花雕酒味🍶魔鬼辣安格斯牛肉鋪滿辣椒粉 入口之後果然好辣好刺激🌶️🥵.其他肉類就有西班牙橄欖飼豬肉、西班牙栗飼豬肉🐷、紐西蘭羊肉卷🐑 相當高質.除左肉類之外仲有海鮮有海蝦🦐、蜆、白鱔片、鯇魚片連花膠都有 養顏啱晒女仔食👩🏻🦰材料新鮮 選擇又多🤭.手工餃丸類亦都好特別例如梅菜豬肉餃、麻辣豬肉餃、醬爆瀨尿牛肉丸🧆不得不提醬爆牛肉丸一啖咬落去 湯汁就馬上流出黎🤤餐廳仲有素肉丸 啱晒素食嘅朋友.至於湯底有十幾款 有辣有唔辣我哋就揀咗杏汁豬肺湯☺️湯底非常清甜 啱晒而家秋天 非常滋潤🍂.用QR c
今次就黎左一鍋堂 主打養生火鍋嘅餐廳
我地食晚市嘅早時段5:00pm至7:00 pm都只係二百幾蚊就可以食到任食和牛🤩
但係食物嘅質素媲美單點 實在超值😋
.
🌟C餐 - 高級澳洲和牛 ($248)
.
牛肉嘅款式非常多🐮
例如有澳洲M5和牛板肉、美國安格斯牛肉、封門柳、手切牛脊肉、魔鬼辣安格斯牛肉、花雕浸安格斯牛肉等等
我地最推薦澳洲M5和牛🥩
油脂分布平均 入口甘香 牛肉味又夠香濃
不知不覺encore左好多碟 😍
咁好食就算食最貴呢個餐都好值得！
其他牛肉質素都好好
花雕浸安格斯牛肉 充滿花雕酒味🍶
魔鬼辣安格斯牛肉鋪滿辣椒粉 入口之後果然好辣好刺激🌶️🥵
.
其他肉類就有西班牙橄欖飼豬肉、西班牙栗飼豬肉🐷、紐西蘭羊肉卷🐑 相當高質
.
除左肉類之外仲有海鮮
有海蝦🦐、蜆、白鱔片、鯇魚片
連花膠都有 養顏啱晒女仔食👩🏻🦰
材料新鮮 選擇又多🤭
.
手工餃丸類亦都好特別
例如梅菜豬肉餃、麻辣豬肉餃、醬爆瀨尿牛肉丸🧆
不得不提醬爆牛肉丸
一啖咬落去 湯汁就馬上流出黎🤤
餐廳仲有素肉丸 啱晒素食嘅朋友
.
至於湯底有十幾款 有辣有唔辣
我哋就揀咗杏汁豬肺湯☺️
湯底非常清甜 啱晒而家秋天 非常滋潤🍂
.
用QR code落單方便快捷📲
出邊仲有自助吧自己拎多款肉丸、蔬菜🥬
熟食仲有麻辣伴手拉麵🍜、麻辣雞腎、泡椒鳳爪、醬油秋葵等等
.
飲品唔止汽水 仲有自家製花果茶🍵
個人鐘意金羅漢果海底椰茶
啱晒打完邊爐飲 健康唔熱氣
見到依家做緊promotion$68有藍妹啤酒買一送一🍻
所以忍唔住又order左一份 同朋友一齊啤
最後再加多軟雪糕作甜品 非常滿足🍦
.
餐廳全部都係卡位 環境光猛新淨
枱又大大張 坐得非常舒服 仲可以放滿食物😝
以咁嘅價錢 食到咁高質嘅食材
性價比極高 冬天流流長可以再黎打邊爐⛄️🥰
張貼
