台北車站 (已結業)

經過尖沙咀覺得有啲肚餓就見到呢間新開嘅舖頭，食物超級吸引😻 叫咗小時候鹽酥雞便當 ($48)同鹽酥拼盤 ($48) 鹽酥雞炸到啱啱好外脆內軟，好香口加埋肉燥飯黎食係正到不得了！另外肉燥飯味道都唔錯，飯粒都好煙韌飽滿，呢個價錢食到真係超級抵👍🏻 另外拼盤都十分之高質，有我最鍾意食嘅番薯條同埋呢個嘅麻糬波波都超正😻 下次行開肚餓知道去邊度買嘢食🤪🤪食台灣小食係一定要配飲品😆 春日紫薯歐蕾加黑糖珍珠 ($34+4) 呢個紫薯鮮奶整得都幾好飲，紫薯味好重，同鮮奶味配合恰到好處，珍珠都好煙韌夠黑糖味。黑糖鮮奶茶 ($32) 奶茶入邊加咗黑糖味，飲落比較濃。