台北車站 (已結業)

係厚福街行到盡頭轉左條巷仔，發現左一間賣台灣野食既鋪頭。個到有好多小食賣，見行到有d餓，就買d黎食。我買左鹽酥雞、花枝丸、台灣腸，加埋都要$60蚊，其實都幾貴。等左一陣就有得拎，打開黎睇，花枝丸$16有3粒，都算ok。但台灣腸$16得一條，仲要唔係大條，真係有d過分。食落去又乾又超鹹，同我平時食開個d好唔同，仲要咁貴，真係有d失望。鹽酥雞賣$28都唔係好多，不過味道都ok，但下次我應該唔會再幫襯囉（台灣腸係下面紫紫地色個一條）

lunch time打去叫外賣自取🙁聽電話果位小姐連單n.o都無比我咁我10-15分鐘就行過去攞..點知佢地未落我張單...見佢地拿拿林裝個飯比我攞果陣都唔對路..之前叫都係用圓飯盒..而家變左呢個細盒我明白係尖沙咀食野係貴...但係你收我$48蚊比盒咁既野我係味道唔錯..但呢個份糧我真係唔會有下次

上星期夜晚途經尖沙咀厚福街 行行下比新開張既文青風格台式飲品店吸引😉原來除左台式飲品之外仲有賣台式火車便當🍱台式小食等等💜同朋友係店員推介下叫左「鹽酥拼盤」$48同「黑糖琥珀歐蕾」$28 另外仲叫左杯「金鳳百香鮮果茶」$34 🥤鹽酥小食係即叫即炸 需要等候約6-8分鐘😉「鹽酥拼盤」內有鹽酥雞、花枝丸、蕃薯條、蔥抓餅、四季豆、麻糬波波 😉平時有既小春卷因為賣曬所以店員比左蔥抓餅我地 味道鹹香惹味香脆 再加埋泰式辣醬好惹味😊至於「黑糖琥珀歐蕾」打卡一流幾靚 掛杯效果真係幾似「琥珀」 建議叫半糖剛剛好另外「金鳳百香鮮果茶」幾清新 茶底亦五錯天氣炎熱飮落透心涼🥰

吃貨的人生就像一列火車狂吃、狂吃、狂吃……🚂話說最近尖沙咀厚福街有個台北車站。沒錯，它是一間台式便當、小食外帶店💁🏻‍♀️經典原味香腸便當 $44粒粒飽滿的日本珍珠米、鋪滿整個飯的古早味肉燥、經典的糖心滷蛋，加上惹味的台式香腸，非常美味。而且份量奇多，飯量大約有兩個普通飯碗之多，果然抵食夾大件👍🏻鹽酥拼盤 $48這個更值得一試，因為可以一次滿足你多個願望，品嚐到五款小食，包括超級鬆脆的鹽酥雞、香甜的甘薯條、甚少被加入煎炸行列的四季豆、香脆的小春卷和質地QQ的紫薯麻糬波波。配上青瓜絲和酸酸甜甜又開胃的泰式酸辣醬，超級美味又豐富了吧，而且吃光了之後竟然全碗都沒有太多油跡，跟吃上口的感覺一樣，不太油膩，只是有點熱氣🤤

這天到尖沙咀shopping，行到攰攰地又有點口渴，入左厚福街的巷仔睇下有咩飲，見到呢間小食店有野飲又有野食，所以就買D野飲下又買D野食下!柑橘百香鮮果茶( $34)，熱辣辣最岩飲返杯凍冰冰既飲品，呢杯柑橘百香果茶酸酸甜甜好開胃，入面仲有百香果的果肉，食到果肉絕對能夠刺激味蕾!鹽酥拼盤 ($48)，呢間小食店有台灣小食又有台灣便當，這次點了這裡的小食拼盤試下！小食拼盤包括有鹽酥雞、花枝丸、四季豆、蕃薯條、麻糬波波和小春卷。他們的鹽酥雞椒鹽份量夠，雞唔會太油，整粒好香口！花枝丸好香，爽口彈牙！四季豆多汁，蕃薯條口感特別，甜甜咸咸的！仲有麻糬波波同埋小春卷，前者煙韌，後者夠脆口，而且還有泰式辣醬可以點，味道更突出，一份拼盤可以試到咁多不同小食實在太開心了！下次經過又口痕可以再叫黎食!

在尖沙咀搵餐好食唔易唔易，就算貴都可以中伏，但呢間價錢合理，鹽酥雞外脆內林，真係好難得，香港好多鹽素雞都係裏面勁鞋，鮮果茶好飲，但如果再多啲水果更好幾有心的餐廳收錢姐姐又靚又nice，見我話唔要膠袋，會主動問我要唔要飲管，等候時間可接受，落左單等左大約10分鐘左右，唔算快但起碼食物係新鮮👍🏻👍🏻👍🏻呢間鋪只供外賣，出面有幾個位可以食但是在後行，一般情況都唔會喺嗰度食，但如果你在附近返工，想搵餐合理晏仔食下，地點很方便

炎炎夏日真係好想飲一杯凍冰冰又解渴嘅飲品唔想飲黑糖、唔想飲奶茶、又唔想食珍珠 係咪好麻煩呢～喺度煩緊邊一間買嘅時候 咁啱就經過”台北車站” 一望入去就俾佢嘅文青風裝修完全吸引再加上餐牌上用嘅字體 成個感覺真係好似去咗台灣一樣！其實除咗台式飲品 佢仲有一啲推介輕食 例如：鹽酥拼盤、香腸便當等等不過我淨係想飲嘢所以就叫咗一杯都係佢推介嘅甘橘百香果鮮果茶小店好貼心因為柑橘同百香果都係屬於酸味較重嘅生果 所以佢好細心用咗蜂蜜去調配 令到成杯飲品嘅味道唔會太衝擊～ 飲落超級refreshing呢而果茶入邊真係放左少量鮮果 用嚟裝飾 靚靚既

同朋友路過呢間小店，俾佢嘅白色簡約風格吸引，咁岩有少少肚餓，想食下小食，一於幫襯下啦買咗兩個小食，蕃薯條同埋鹽酥雞。呢兩個小食應該係即叫即製的。當日係平日夜晚，條街冇乜人，所以得我地兩個顧客。但我叫咗小食之後，都要等左一段時間先有得攞。食物價錢非常合理，食物質素都係唔錯。鹽酥雞唔會太厚粉，雞有醃過、唔會死咸，不過調味對我地黎講重手左少少。蕃薯條選用黃薯，厚切，有口咸，味道好除咗食物好味之外。店員係超有笑容同超好禮貌。我去拎小食時，店員仲主動問我需唔需要用袋，可以幫我裝起食物。非常好的用餐體驗，呢間小店值得支持！

經過尖沙咀覺得有啲肚餓就見到呢間新開嘅舖頭，食物超級吸引😻 叫咗小時候鹽酥雞便當 ($48)同鹽酥拼盤 ($48) 鹽酥雞炸到啱啱好外脆內軟，好香口加埋肉燥飯黎食係正到不得了！另外肉燥飯味道都唔錯，飯粒都好煙韌飽滿，呢個價錢食到真係超級抵👍🏻 另外拼盤都十分之高質，有我最鍾意食嘅番薯條同埋呢個嘅麻糬波波都超正😻 下次行開肚餓知道去邊度買嘢食🤪🤪食台灣小食係一定要配飲品😆 春日紫薯歐蕾加黑糖珍珠 ($34+4) 呢個紫薯鮮奶整得都幾好飲，紫薯味好重，同鮮奶味配合恰到好處，珍珠都好煙韌夠黑糖味。黑糖鮮奶茶 ($32) 奶茶入邊加咗黑糖味，飲落比較濃。

煉奶饅頭 $16大約有六粒左右，炸得好酥脆🧞‍♂！我影相影左成10分鐘左右，但都依然勁酥脆🥳，仲要唔會炸到啲油出哂黎，完全唔會油膩 ，煉奶落得又大方，每一啖都點滿哂煉奶🤩🤩🤩，真係好好好好好食💯🥰！-鹽酥拼盤 $48因為炸饅頭炸得太好食🤪，覺得佢地既炸物應該都做得唔錯，所以決定食埋鹽酥拼盤🤰🏻haha！拼盤有鹽酥雞🐣、花枝丸🐙、四季豆、小春卷、麻糬波波🌰同蕃薯條🍠。果然無失望到🕶，鹽酥雞香脆惹味🥳，炸粉做得唔錯，夠薄；花枝丸同平時食開既唔同，彈牙好多🤯仲要啲墨魚粒粒粒分明；小春卷用絲網皮做春卷皮，口感鬆脆又唔吸油；麻糬波波煙煙韌韌，紫薯味同地瓜味都好出😍；蕃薯條入面蕃薯蓉既密度好高，係我食過最濃蕃薯味既蕃薯條。台北車站既鹽炸系列的確做得好好🥰🤙🏻！-經典原味香腸便當 $44估唔到有咁多肉燥，幾乎多過飯咁滯🤯。肉汁又多，一邊撈男朋友一邊係咁催我食得未🥴，因為啲肉燥好香🤫。肉燥濃而不膩帶微甜，肥瘦比例都算平均，偶爾仲食到肥豬肉既油脂香🤤🤟🏻～ 鹹度亦都適中，唔會一味死鹹。醃青瓜好香好清新，佢香到係好似樂事隻青瓜味薯片咁😮😮！便當除左肉燥，仲有滷蛋同香腸，送飯一流🤗。-黑糖琥珀歐蕾 $32叫

台式外賣小店主打台灣古早味便當、街頭小吃、特色台式飲品。他們的金句:「吃貨的人生就像一列火車🚄，狂吃、狂吃、狂吃⋯」我好同意喔哈哈~火車便當有4款🍱, 口味包括地道肉燥、鹽酥雞、椒麻雞排、香腸。椒麻雞排便當 - 雞排係即叫即炸, 所以等候時間會較長。柑橘百香果鮮果茶 — 茶飲以綠茶做茶底, 飲落有茶香, 飲料以蜜糖提升飲品既甜度, 幾滋潤, 唔太甜。裏面還有百香果粒和菠蘿🍍, 超級鮮甜, 好適合炎炎夏日飲用, 超級解渴的！

今日去左呢近新開嘅台北車站🚆，佢除左有珍珠奶茶飲之外🥤，仲有野食架，有小食例如鹽酥雞🍗，台灣腸🌭，花枝丸🍡，蔥抓餅🌮等等，都係啲好有台灣🇹🇼特色嘅食物仲有便當架今日我就試左愛上椒麻雞排便當🍱同埋初戀草歐蕾🥤愛上椒麻雞排便有淡淡嘅椒麻味，唔算太重🌶，就算唔食辣嘅朋友都會食到，雞排炸得香脆，仲有好多肉燥，分量好夠架，佢地用嘅係日本珍珠米😄，所以食落啲飯一粒粒，比普通飯好食呀😋飲品初戀草莓歐蕾用嘅係大大粒嘅新鮮士多啤利肉🍓，再加士多啤梨醬同鮮奶🥛，賣相就好靚🥰，味道就係滿滿嘅士多啤利😋佢地主要做外賣嘅，不過如果你想喺度食都得，佢側邊有張枱可以比你立食架😌

去完台灣旅行無幾耐，有點想係香港食台灣野，止止心癮，剛好係蘋果動見到介紹呢間賣台式小食既小店，就即刻黎到尖沙咀厚福街搵食!我地一行二人，叫左一個鹽酥拼盤:入面有鹽酥雞、花枝丸、蕃薯條、小春卷、麻糬波波同四季豆，即叫即整，熱辣辣鹽酥雞嘅皮唔厚粉啱啱好，係用以醬料醃漬入味，再裹上油炸粉或調味過後的麵粉漿，再油炸的料理，食落唔會死咸!小春卷好鬆脆，加埋泰式辣醬，係完美既組合。 蕃薯條入面係黃芯蕃薯，食落好有蕃薯甜味，值得一讚用料新鮮，只係就咁炸左都已經好好味!花枝丸是用原隻墨魚打造，不加魚肉或魚漿，粒粒墨魚肉，飽滿扎實，細緻嫩滑，彈牙爽脆，口感一流。麻糬波波外脆內煙韌，最加分嘅係裡面仲分別有地瓜同紫薯蓉，口感豐富。四季豆做到REFRESH既效果，食落卡卡聲，有點爽脆。整體六樣食物都唔錯😋另外，唔太夠飽叫左個愛上椒麻雞排便當，嘩，一睇到D肉燥多到就黎爆出黎咁估左成個飯三份之二份量都有點驚人，撈飯完全唔使驚唔夠呀! 食落口仲啖啖富豬肉同紅蔥頭香，肉汁夠多，撈飯一流，而且講明用日本珍珠米，粒粒分明。而且仲有脆口帶酸嘅腌青瓜，便當食到一半嘅時候食返兩塊解膩就最正。椒麻雞排有酥脆的外皮及多汁Q彈的雞腿

星期五Happy Friday總想好好慰勞自己是晚途經尖沙咀厚福街這美食小巷，被轉角位置一間新開張的文青風格外賣店吸引，佇足細看餐牌，原來是販賣台式火車便當、台式小食及飲品的特色小店。我對台式料理總是抵擋不了誘惑，但一個人吃不了太多，最後在店員推介下點選了「鹽酥拼盤」$48及一杯「黑糖琥珀奶茶」$32，滿足珍珠奶茶控及每樣小食都想試的欲望由於鹽酥小食是即叫即炸，需要等候約6-8分鐘。用牛皮紙碗盛戴的鹽酥炸物，充滿台灣古早風情，加上食物的擺盤，感受到這間店是用心經營的。「鹽酥拼盤」內有鹽酥雞、花枝丸、蕃薯條、小春卷、四季豆、麻糬波波。整體份量剛好，味道鹹香惹味香脆，更伴有小量青瓜絲平衡油膩感。至於「黑糖琥珀奶茶」，飲品到手即刻被其「顏值」吸引，漸層的掛杯效果尤如「琥珀」。味道方面，不會太甜，黑糖珍珠和奶茶一直是最佳搭配站在鬧市的小巷內立食，看著店內的綠色植物，悠閒地品嘗美食，有一瞬間以為我去了台灣

超級香脆的鹽酥雞，真係即叫即炸，新鮮熱辣, 外脆內軟，好驚喜好好味。另外加麻個黑糖珍珠鮮奶茶，簡直係絕配，黑糖味頂瓜瓜丫食完好滿足咩Monday blue 都走哂!!!