啟興山西刀削麪 (已結業)

一排冇去新蒲崗，康強街既舖頭都轉變左唔少。諗住簡簡單單食餐飯，見到呢間刀削麵新開，就決定試下。估計餐廳新開，裝修都好整潔，坐嘅位置都寬敞。Menu除咗有刀削麵，仲有海南雞餐，湯底同麵質都有唔同嘅選擇。最後試咗個酸辣湯底嘅刀削麵同上湯刀削麵，配料就揀咗麻辣手撕雞同埋麻辣牛腱。湯底普普通通，刀削麵麵質彈牙，烹調時間控制得幾好。反而配料好有驚喜。份量都幾多，麻辣醬汁香濃，唔食得辣嘅我勉強接受到。不過食得辣嘅朋友應該會好欣賞。價錢唔高，整體性價比唔錯👍🏻