啟興山西刀削麪 (已改名) 查看

一排冇去新蒲崗，康強街既舖頭都轉變左唔少。諗住簡簡單單食餐飯，見到呢間刀削麵新開，就決定試下。估計餐廳新開，裝修都好整潔，坐嘅位置都寬敞。Menu除咗有刀削麵，仲有海南雞餐，湯底同麵質都有唔同嘅選擇。最後試咗個酸辣湯底嘅刀削麵同上湯刀削麵，配料就揀咗麻辣手撕雞同埋麻辣牛腱。湯底普普通通，刀削麵麵質彈牙，烹調時間控制得幾好。反而配料好有驚喜。份量都幾多，麻辣醬汁香濃，唔食得辣嘅我勉強接受到。不過食得辣嘅朋友應該會好欣賞。價錢唔高，整體性價比唔錯👍🏻

本人於某一星期日下午幫襯，之前有食過，味道真心唔錯，所以話成日幫襯。但係自從佢哋改咗名（滿利刀削麵）之後，價錢貴咗（+$5）少貴、環境改變完全唔明顯（廚房照舊乾淨, 唯一留意到嘅係佢換咗廚房門口塊簾）冇其他、服務態度一般、重點係嘢食難食咗！（我今日食嘅爽脆豬頸肉刀削麵）→硬到一個點，完全咬唔到，一啲都唔爽脆，大人都咬唔到，可想而知細路/老友記，根本冇可能食到，仲衰過舊瘦肉！仲要收我$48！？堅決以後唔幫襯！去食之前建議慎重考慮

今日有事情要去新蒲崗, 唔想食茶記, 同友人提議去吃刀削麵, 我唔想食好大舊肉🤣揀左酸辣手撕雞配蕃茄薯仔湯刀削麵, 等左一陣手撕雞先送來, 另外一只碟上, 份量唔算好大, 但我吃就夠😅👍 然後送上刀削麵, 其實配蕃茄薯仔湯有d怪, 不過唔想吃辣又想試下依個湯底😋 先飲啖湯, 清淡有d蕃茄味, 唔算太濃但味道可以😍真係見有d薯仔, 再食刀削麵都ok🥢😚 粗得來也夠滑, 份量都好多, 友人另外叫左碟豬手, 不過無影到相, 我食左一舊, 咸咸地個皮好爽😛😜 整體感覺唔錯, 不過新蒲崗我好少會來😅 大家經過都可以來試下, 店舖唔算好大, 但坐得也舒服👍

過年前簡單食，新蒲崗康強街新開了新的餐廳- 啟興刀削麵街坊小店家的味道十足，最重要係經常黎都非常可以啊～--醉雞涼拌刀削麵的份量十足。醉雞的鮮味與醉酒味並重，-刀削麵口感爽滑，加上清爽的涼拌醬，非常開胃。-若不想吃麵也可以選飯，椒鹽豬扒飯的豬扒即叫即炸外酥里嫩，鹹香可口。小食十分推薦上湯韮菜餃餃子皮薄餡包得包滿，韮菜的香味滿滿，非常好吃。想吃香口的可以叫芝麻炸雞翼雞翼炸得金黃，內裡juicy，無得輸啊～-啟興山西刀削麵新蒲崗康強街23號地舖.

收工經過康強街，見到一間新開麵店「啟興山西刀削麵」成日食得多車仔麵都會悶，最岩換過口味食熱辣辣既刀削麵、款式多價錢又抵食仲質素唔錯，有興趣經過都可以試吓！～熱拌香脆金沙骨刀削麵$48*（凍熱飲+$5）刀削麵咬落去煙煙銀銀，食落去有小小麵粉香，而且好掛汁。刀削麵嘅配料有胡麻醬、擔擔醬、蒜粒、青瓜絲、花生，撈埋一齊食，加上掛汁嘅刀削麵，食落去麻中帶酸甜，辣就唔算好勁，非常惹味。金沙骨份量都幾足，炸得熱辣辣香噴噴，肉質軟嫩又入味。酸辣爽香豬頸肉刀削麵$42*（凍熱飲+$5）酸酸辣辣嘅湯底好夠味，湯既刀削麵熱辣辣，麵條大小都有D唔同，食落有口感，豬頸肉又厚又大塊，入口唔會好乾身，邊位有小小焦，食落去好入味，帶小小油脂，同麵一齊食會無咁膩。

「啟興山西刀削麵」環境乾淨舒適，充滿著家的感覺，我叫咗幾款招牌菜，每一款都唔錯🍜🍗🐟🐖芝麻雞翼刀削麵（酸辣湯底），酸辣味道唔算太濃，配上香脆的芝麻雞翼同麵條，味道幾開胃。熱拌牛筋腩刀削麵，碗麵有濃郁的麻醬，加入嫩滑的牛筋腩同麵條，鮮美濃郁。每一口都帶來滿滿的牛肉香氣。清湯肥牛米線，清湯都唔錯除咗刀削麵，我亦試咗幾款小食，花雕醉雞、香脆豬扒同麻辣爽魚皮。花雕醉雞醃製得剛剛好，醉雞的味道濃郁鮮美。香脆豬扒炸得香脆多汁，入口即化。麻辣爽魚皮辣味十足，令人垂涎欲滴。三款小菜都非常美味，增添了整餐的多樣性。「啟興山西刀削麵」的菜式味道地道，份量十足，給人帶來了一趟美食之旅。

上湯韭菜餃 韭菜同豬肉既比例岩岩好，每隻韭菜餃都好飽滿，食落爽口彈牙，一口咬落去係真係有好香既韭菜香味，而且塊皮，係雲吞果隻，一D都唔厚身。酸辣手撕雞 開胃小食，一D都唔會好辣，而且仲有D酸菜，雞絲亦唔會好嚡，如果份量可以再多D就更好。芝麻雞翼 外皮金黃酥脆，夠哂香脆可口，唔會好油膩。熱伴鮮雜菌走麵 好貼心咁有落到D薑煮埋，食起黎唔會覺得太寒，仲好暖身，如果雜菌份量如果可以再多D就更好，夠哂健康又好味!牛肉丸米線酸辣 湯底夠哂酸辣，米線食起黎都好掛湯又彈牙，牛肉丸既牛肉香味濃，爽滑彈牙，肉汁都幾豐富。我地另外再叫左麻辣口水雞 涼拌青瓜 同 油菜。夠哂豐富~

新蒲崗開咗呢間新嘅刀削麵專門店。打開餐牌，見到入面有多款特色山西刀削麵可以選擇，望落好吸引。今次點咗花雕醉雞刀削麵配蕃茄湯底，醉雞帶好香既走同藥材味，雞肉口感嫩滑，配埋鮮甜嘅蕃茄湯底，好正。另外亦都點咗五香牛展刀削麵配酸辣湯底，呢碗刀削麵又係另一種style，酸酸辣辣好開胃。呢度嘅小食都好正，無骨鳳爪口感爽脆，味道調配得好好，仲有燒到好惹味嘅豬頸肉都好吸引。另外亦都點左份菜心，夠哂健康。嘆埋杯凍檸茶，正。

早幾日行經新蒲崗康強街見到一間新開嘅刀削麵，今晚諗住去試吓，差唔多八點去到見到都坐滿人咁滯！睇吓個餐牌原來啲嘢食唔貴，$40有一碗好大嘅刀削麵！我哋叫咗一個口水雞刀削麵，一個醉雞刀削麵，兩個都係叫咗上湯。再另外加咗兩杯凍飲同埋芝麻雞翼再加個炸韭菜餃。醉雞有杞子，酒味可以再濃啲，口水雞嘅醬汁係帶點酸味嗰種，都幾開胃㗎！刀削麵削得幾好 厚薄，均勻有咬口 唔係坊間嗰啲用粉整成嘅或者用機削個啲、湯底係上湯，但係都好夠味，而且冇味精！