六合小廚 (已結業)

雖然最近出左糧，但d 錢大部分用黎找卡數，所以想食d 性價比高既餐廳 xdd我朋友就帶左我去尖沙咀既六合小廚食dinner menu 有好多張。 大部分野食都有圖連英文。好細心。 秘制蜜椒土豆牛腩粒真係比較少食配牛腩粒，因為通常係配牛仔粒，但呢個牛腩粒同埋土豆又真係好好食，表面甜甜地同脆脆地，好香。 岩岩上碟個陣真係好熱，大家食個陣小心熱。 必叫！！魚香茄子煲我其實唔鐘意食魚香茄子，因為之前食過某d 餐廳d 魚香茄子得茄子味，全部無魚香味，而已仲好油。但食完呢個之後真係對魚香茄子改觀。六合既魚香茄子好香魚香味，而已茄子仲好有口感，唔係軟淋淋個隻。 我完全愛上左食魚香茄子，所以強烈推介大家叫呢個。蒜香雞扒飯我係超級蒜香fans, 所以呢個一上黎個陣嗅到佢好香蒜香味個陣，真係好想一個人獨吞晒成個，haha 雞扒表面脆脆甘，但唔會好似炸雞，成塊皮都係炸，所以健康好多。 呢個都建議大家叫。xdd秘制沙拉豬扒叫左牛同雞，無理由唔叫埋豬試試。呢個沙拉豬扒真係好岩送飯。所以我同朋友另外叫左1碗油飯同一碗白飯，一齊share 食。温馨提示：餐廳一碗飯既份量比正常餐廳大，所以大家可以2個人share