Sky726

之前就來過一次，覺得的確唔錯所以就再來幫趁。呢間餐廳位於大廈嘅廿五樓，一出升降機就已經係餐廳。坐落喺旺角嘅中心點，地理位置就夠曬靚，一覽旺角風景，好有居高臨下嘅感覺。 牛油白酒煮藍青口伴法式薯條藍青口幾大粒，醬汁加入番茄同西班牙辣肉腸，微辣，薯條係粗薯，熱食好滋味。香煎美國頂級安格斯西冷扒。牛扒肉質鮮嫩多汁。油分充足。肉味濃郁，。 牛扒上佈滿炭燒痕跡特別香口。質素高。甜品我地叫左個火焰朱古力球，店員先將甜酒點火，一淋落去朱古力慢慢溶化，入面嘅雲尼拿雪糕同埋brownie蛋糕漸漸浮現。用上黑朱古力，甜度岩岩好，加入酒令朱古力更濃郁，雲尼拿雪糕係有雲尼拿籽架，。呢度嘅甜品真係出色又得意。