逸 壽司 (已結業)

生日慶祝餐🥳🥳而家無左晚市唯有食午餐慶祝啦～好彩拎左年假先可以中午食咋！朋友同左我去試佢公司附近嘅一間壽司店話抵食又有質素喎我地中午時段去果然爆場等左一輪先有得入座一入座已經上左個小食俾我地試下味道好特別用榨菜做到好似海蜇嘅爽口感覺朋友話佢個自選壽司套餐正所以一人揀左一份試下壽司選擇都幾多而且都幾唔會只得平價款我地就梗係揀回本之選啦～賣相果然幾靚仔壽司睇落好油潤壽司醋飯味道唔錯刺身都好新鮮！尤其火炙左口魚邊超超超油膩～好好食！食十二件真係唔夠喉🫣🫣仲係全日都有得點餐做晚餐都唔失禮朋友仔果然好介紹！