潮福蒸氣火鍋 (已結業)

有排香港好興粥底加蒸氣火鍋，試過咁多間，潮福蒸氣火鍋確實算係連鎖店中性價比高且食物選擇豐富嘅蒸氣火鍋餐廳，今日心血來潮，自然又要去揾食啦！由於太肚餓，所以先order咗我每次必叫嘅脆皮燒乳鴿，一如以往皮脆薄而肉嫩，入口又唔油膩，反而bill上香噴噴嘅鴿肉肉汁，熱辣辣絕對係誠意之作！然後前秦係燉湯，選了姬松茸燉螺肉，湯非常清甜唔覺好味精，其實sumemr time都有唔一樣嘅保身方法㗎！半隻開邊龍蝦，肉彈鮮甜，佢結實肉質絕對係新鮮嘅證明！蘇格蘭蟶子皇，雖然係任食但大大隻一啲都唔係小嘢㗎！貴妃蚌同扇貝，配合粉絲同蒜蓉，滋味！