影片
更多
2020-05-25
123 瀏覽
【性價比超高的酒吧餐廳】美味的食物，美麗的風景，喜歡的人，都成為食一餐好的晚餐的重要元素。好開心同小可愛一齊去左旺角一間性價比超高的西餐，餐廳位於大廈最高嘅一層，一個晚餐時段可以飽覽旺角日與夜嘅風景；天色未暗仲可以望到海景，七點幾太陽落山後就係浪漫嘅夜景。✨牛油果沙律～開胃沙律，牛油果份量又多又新鮮。✨Cocktail--Blue Hawaii & Singapore Sling～我唔係飲酒之人，但其實都中意飲cocktail，因為好靚，可以打卡😂，但cocktail 啲味有時都幾伏。好彩我地叫呢兩杯都幾好味，好順口，易入口，唔係落好重糖漿果種。我飲果杯係blue hawaii，個圖片明明係藍色黃色漸變，但出來變左綠色，我上網睇原來係唔同的調法，話搖勻口感會順滑啲。✨脆炸香草田螺釀白菌～熱辣辣新鮮即炸，外脆內軟，切開係田螺加埋白菌，原來好好食，唔洗成日淨係食焗田螺咁悶。✨香煎鵝肝伴焦糖蘋果紅莓燒汁～超大塊鵝肝，但一啲都冇肥膩感，切少少焦糖蘋果點少少紅莓燒汁，酸酸甜甜令人回味無窮。✨醬燒豬仔骨～大大份豬仔骨，燒得超級香，仲要好多肉，肉質嫩滑唔韌，帶甜的醬汁食到舔舔脷。✨蟹肉帶子意大利飯～
美味的食物，美麗的風景，喜歡的人，都成為食一餐好的晚餐的重要元素。
好開心同小可愛一齊去左旺角一間性價比超高的西餐，餐廳位於大廈最高嘅一層，一個晚餐時段可以飽覽旺角日與夜嘅風景；天色未暗仲可以望到海景，七點幾太陽落山後就係浪漫嘅夜景。
✨牛油果沙律
～開胃沙律，牛油果份量又多又新鮮。
✨Cocktail--Blue Hawaii & Singapore Sling
～我唔係飲酒之人，但其實都中意飲cocktail，因為好靚，可以打卡😂，但cocktail 啲味有時都幾伏。好彩我地叫呢兩杯都幾好味，好順口，易入口，唔係落好重糖漿果種。
我飲果杯係blue hawaii，個圖片明明係藍色黃色漸變，但出來變左綠色，我上網睇原來係唔同的調法，話搖勻口感會順滑啲。
✨脆炸香草田螺釀白菌～熱辣辣新鮮即炸，外脆內軟，切開係田螺加埋白菌，原來好好食，唔洗成日淨係食焗田螺咁悶。
✨香煎鵝肝伴焦糖蘋果紅莓燒汁
～超大塊鵝肝，但一啲都冇肥膩感，切少少焦糖蘋果點少少紅莓燒汁，酸酸甜甜令人回味無窮。
✨醬燒豬仔骨～大大份豬仔骨，燒得超級香，仲要好多肉，肉質嫩滑唔韌，帶甜的醬汁食到舔舔脷。
✨蟹肉帶子意大利飯～白汁定紅汁，我多數揀白汁，仲要多汁，多忌廉，呢個意大利飯好抵食，係真係意大利飯，唔係用珍珠米扮，軟硬度啱啱好，唔會似生米😆啲鬼佬食得好生。重點係兩粒帶子勁大粒，一啖食唔哂，多汁加分。
✨焗朱古力心太軟配柚子凍糕～最後食埋甜品，有驚喜，朱古力心太軟烤得外皮有少少脆，加埋濃濃的流心朱古力，無得輸。另外配上餐廳自家製的柚子味雪糕，好清新，出面食唔到。
...
...
好滿意的用餐體驗，用餐前會先上一個熱的餐包同香草牛油，每一道菜食完先會上下一道菜，店員服務超級好，又好細心介紹有咩啱食，埋單之後仲悄悄地衝出去㩒lift😭😭好偉大，疫情之下，辛苦你們。
✨朋友慶生同情侶約會之選，甜品仲可以叫佢地寫字！！
1 瀏覽
0 讚好
0 留言
張貼
