スーパー丼 (駱克道) (已結業)

今日同朋友黎到位於銅鑼灣既哩間日式丼飯店。餐廳既丼飯選擇非常多，而且性價比好高，而家仲有超抵食既抗疫魚生丼，只係$48就有三文魚蟹籽丼或者香蔥吞拿魚腩蓉丼，真係勁抵❗️而任何時間三間分店外賣自取都有九折優惠。🔸三文魚蟹籽丼 $48$48就有六塊三文魚同埋堆成小山丘既蟹籽，仲配埋麵豉湯，性價比真係超高，而且三文魚同蟹籽都新鮮好食，抵食之選👍🏻🔸鵝肝和牛丼 $108鵝肝非常有質素，一入口外層香脆，內裏綿軟，油脂四溢，送飯真係一流！而和牛有好多舊，非常足料，我地揀左五成熟，入口牛味香濃，肉質嫩滑軟腍，真係啖啖肉，亦係非常好食，仲配埋沙律同麵豉湯，好食抵食推介👍🏻🔸芝士年糕 $38哩個芝士年糕真係不得了！外脆內綿軟，入面仲有味道濃郁既芝士，非常好食，必點推介👍🏻🔸鹽燒牛舌 $48牛舌有四件，都幾厚身，肉質爽彈，牛味香濃，灑上鹽同胡椒，非常惹味。🍹完熟水熟桃梳打 $30水蜜桃味好突出，味道香甜，解渴一流。整體黎講，餐廳食物有質素，而且價錢實惠，依家仲有$48抗疫魚生丼，完全係抵食之選。