影片
更多
2021-02-12
87 瀏覽
之前食過尖沙咀加拿芬道店後一試難忘，再嚟食呢間旺角新店。今次揀咗最貴嘅M8澳洲極上和牛吃到飽湯底就揀咗台灣濃香蕃茄鍋🍅我大力推介呢個湯底，番茄味非常之濃郁，有好多蕃茄肉，飲落去酸酸地好開胃，一路食都唔會覺得膩。配料方面真係好多選擇，蔬菜類，丸類，麵類（有寬粉同王子麵）都好多元化，而且每一樣都好新鮮。而主角牛肉方面，果然係澳洲極上和牛，肉質嫩滑，入口都唔油膩，牛味好濃，放入湯底大約5秒就已經剛剛好！特別想推介佢嘅墨魚滑同花枝丸，口感彈牙，夾雜埋墨魚，好好味😋來食台式火鍋，當然要食鴨血，鴨血非常之滑，完全冇腥味，同出邊食果啲唔係真嘅鴨血真係唔同！最後甜品有任食嘅豆腐雪糕豆腐味香濃，清清地唔會太甜，用來做一餐火鍋嘅收尾非常之適合最後一定要提，服務員嘅服務態度非常之抵讚，有喺台灣食嘅台式餐廳服務嘅質素，主動加湯，收食完嘅碟亦都好快。總之成餐飯都非常滿意
今次揀咗最貴嘅M8澳洲極上和牛吃到飽
湯底就揀咗台灣濃香蕃茄鍋🍅
我大力推介呢個湯底，番茄味非常之濃郁，有好多蕃茄肉，飲落去酸酸地好開胃，一路食都唔會覺得膩。
配料方面真係好多選擇，蔬菜類，丸類，麵類（有寬粉同王子麵）都好多元化，而且每一樣都好新鮮。
而主角牛肉方面，果然係澳洲極上和牛，肉質嫩滑，入口都唔油膩，牛味好濃，放入湯底大約5秒就已經剛剛好！
特別想推介佢嘅墨魚滑同花枝丸，口感彈牙，夾雜埋墨魚，好好味😋
來食台式火鍋，當然要食鴨血，鴨血非常之滑，完全冇腥味，同出邊食果啲唔係真嘅鴨血真係唔同！
最後甜品有任食嘅豆腐雪糕
豆腐味香濃，清清地唔會太甜，用來做一餐火鍋嘅收尾非常之適合
最後一定要提，服務員嘅服務態度非常之抵讚，有喺台灣食嘅台式餐廳服務嘅質素，主動加湯，收食完嘅碟亦都好快。總之成餐飯都非常滿意
張貼
